Óskemende áiel Telegram jelisinde qarjy piramidasyn jarnamalaǵany úshin aiyppul tóledi, dep habarlaidy Dalanews.kz.
Sot dereginshe, ol «N» qorynyń qyzmetin tanystyratyn beinematerialdar men slaidtardy topqa jariialap otyrǵan.
Sot protsesinde azamatsha óz kinásin moiyndaǵan joq. Onyń aitýynsha, ózi 2023 jyldan beri Liýksembýrgte tirkelgen «N» qorynyń investory bolyp tabylady jáne qor sol eldiń zańnamasyna sai áreket etedi. Ol eshkimdi qorǵa tartpaǵanyn, jarnama jasamaǵanyn, tek daiyn slaidtardy oqyp, aqparatty ózgelerge túsindirgenin jetkizdi.
Alaida sot is materialdary men usynylǵan dálelderdi saraptai kele, azamatshany Ákimshilik quqyq buzýshylyq týraly kodekstiń 150-baby boiynsha kináli dep tanydy. Nátijesinde oǵan 387 660 teńge aiyppul salynyp, úsh ai merzimge buqaralyq aqparat quraldarynda jariialaný quqyǵynan shekteldi.
Apelliatsiialyq shaǵym qaralyp, úkim ózgerissiz qaldyryldy. Qaýly zańdy kúshine endi.
