Búgin QR Ortalyq sailaý komissiiasynyń otyrysynda QR Parlamenti Májilisiniń depýtattyǵyna «AMANAT» partiiasy kandidattarynyń partiialyq tizimi tirkeldi.
– Ortalyq sailaý komissiiasy ókiletti memlekettik organdarmen birlesip, Májilis depýtaty bolyp sailaný úshin partiialyq tizimge engizilgen adamdardyń Konstitýtsiia men «Qazaqstan Respýblikasyndaǵy sailaý týraly» Konstitýtsiialyq zańnyń talaptaryna sáikestigine tekserý júrgizdi. Partiialyq tizimge engizilgen barlyq adam Konstitýtsiianyń jáne Konstitýtsiialyq zańnyń talaptaryna sáikes keledi, – dedi OSK hatshysy Muhtar Erman.
«AMANAT»-tyń Atqarýshy hatshysy Elnur Beisenbaev partiianyń partiialyq tiziminde 90 adam bar ekenin atap ótti. Onyń 29-y – áielder, jastar jáne erekshe qajettilikteri bar adamdar. Bul – tizimge engizilgen jalpy sannyń 32,2%-yn quraidy.
– Osydan týra bir apta buryn biz Ortalyq sailaý komissiiasyna partiiamyzdyń atynan Májiliske usynatyn kandidattardyń tizimin ótkizgen bolatynbyz. Mine, búgin sol qujattyń bárin qaita alyp ketýge keldik, barlyq kandidat talapqa sai ekeni, sailaý kezeńine ótetini habarlandy. Biz endi aldaǵy sailaýaldy úgit-nasihat jumystaryna qyzý daiyndalatyn bolamyz. Biz óz kúshimizge, múmkindigimizge tolyqtai senimdimiz! – dedi ol.
Partiialyq tizimder boiynsha usynylǵan kandidattardyń tolyq tizimi men
birmandatty okrýgter boiynsha tizimderi jariialandy.
Sailaýaldy baǵdarlamanyń tolyq mátini úgit-nasihat kezeńiniń alǵashqy kúninde jariialanyp, partiianyń saityna ornalastyrylady.
Eske sala keteiik, biyl 7 aqpanda «AMANAT» partiiasynyń kezekten tys XXV Sezi ótip, sonyń qorytyndysy boiynsha partiia barlyq deńgeidegi máslihattarǵa 3821, Májiliske 119 kandidat usyndy. Elimizdiń ókildi organdaryna usynylǵan «AMANAT» kandidattary 75%-ǵa jańardy.
