O.Sábden: «Jerdi satpaiyq, sheteldikterge jalǵa bermeiik degendi quptaimyn»
«Jerdi satpaiyq, sheteldikterge jalǵa bermeiik dep jatyr, men ony quptaimyn. Durysy – 49 jylǵa jalǵa berip, igerý. Osy múmkindikti paidalanyp, aýyl sharýashylyǵyn qalai qarqyndy damytamyz degen máseleni oilaýymyz kerek. Kerek bolsa, jobalardy júzege asyraiyq.
Meniń mynadai usynysym bar. Biz barlyq máseleni talqyladyq, az otyrǵan joqpyz. Halyq kútip otyr. Múmkin Úkimet osy otyrystardy qoryta kele, sheshim qabyldaityn bolar? Moratorii engizilýine bailanysty jumys toqtap tur. Osyǵan Parlament múmkindik berip, zań qabyldap jibersin. Ekinshi másele, 10 sotyq jer telimine qatysty. Munda da tezirek sheshim qabyldap, halyqqa jerin bere bastasyn», – dedi O.Sábden.
Onyń pikirinshe, aýyl sharýashylyǵyn damytý úshin Úkimet strategiialyq memlekettik baǵdarlama qabyldaýy kerek.
«Qazir bizde jalpy ishki ónimdegi aýyl sharýashylyǵy ónimderiniń úlesi 5 paiyzǵa jetpeidi. Mine, osy kórsetkishti strategiialyq baǵdarlama arqyly 15-20 paiyzǵa jetkizý kerek. Prezident shaǵyn jáne orta kásipkerliktiń úlesin 50 paiyzǵa jetkizýdi tapsyrdy. Bul salada qandai jumystar júrgizilip jatyr? Mine, osyndai máselelerdi qoia bilgen jón. Taǵy bir aita keterligi, shaǵyn sharýa qojalyqtaryna qarjy jetpei jatyr. Osy máseleni sheshý úshin Qazaqstanda agrobank qurý kerek», – dep tolyqtyrdy akademik.
«Jalpy, qoǵamda qordalanyp qalǵan máseleler bar. Jańa bir máseleniń ushy shyqty. Sonda ár másele kóterilgen saiyn komissiia qura beremiz be? Men bir joba jasadym. Elbasynyń janynan qoǵamdyq palata quryp, ár oblystan oǵan bilimdi azamattardan múshe taǵaiyndaý kerek. Sonda osyndai máseleniń bárin qoǵamdyq palata sheship otyratyn edi», – dep túiindedi O.Sábden.
Derekkózi: BNews.kz
