Shahtinsk qalasynyń 33 jastaǵy turǵyny qoǵamdyq tártipti buzǵany úshin ákimshilik jaýapkershilikke tartyldy. Sot sheshimimen ol 16 táýlikke qamaýǵa alyndy, dep habarlaidy dalanews.kz.
Oqiǵa 2 qyrkúiekte bolǵan. Politsiiaǵa K.Marks kóshesindegi úilerdiń birindegi páterde tynyshtyqtyń buzylǵany týraly habarlama túsken. Oqiǵa ornyna jedel jetken politsiia qyzmetkerleri mán-jaidy anyqtaýǵa kiristi. Áńgimelesý barysynda páterde bolǵan 33 jastaǵy er adam gaz ballonyn jaryp jiberemin dep qorqytqan.
Sot otyrysynda er adam alkogoldik ishimdik ishkenin aityp, politsiia qyzmetkerlerine aitqan qorqytý sózderin “ázil” retinde túsindirgen. Alaida mundai sózderdi ázil dep qabyldaýǵa bolmaidy. Adamdardyń ómiri men qaýipsizdigine qaýip tóndiretin áreketter zańda belgilengen jaýapkershilikke ákep soǵady.
