Memleket basshysy BUU Dúniejúzilik meteorologiia uiymynyń prezidenti, BAÁ Ulttyq meteorologiia ortalyǵynyń bas direktory Abdýlla Ál-Mandýsty qabyldady, dep habarlaidy dalanews.kz.
Kezdesýde Prezident Qasym-Jomart Toqaev BUU-nyń arnaýly mekemesi sanalatyn Dúniejúzilik meteorologiia uiymy klimat, aýa raiy, sý resýrstary jáne tabiǵi apattardyń qaterin azaitý baǵytyndaǵy jahandyq yntymaqtastyqty ilgeriletýde negizgi ról atqaratynyn atap ótti.
Memleket basshysy men Uiym jetekshisi Qazaqstan úshin strategiialyq mánge ie klimat máselelerine erekshe nazar aýdardy. Erte habarlaý júiesin damytý, meteorologiialyq infraqurylymdy jańǵyrtý jáne ǵylymi derekter almasý óte mańyzdy.
Prezident Qazaqstan tarapynyń BAÁ Ulttyq meteorologiia ortalyǵymen ózara bailanysty arttyrýǵa daiyn ekenin rastady. Budan bólek, óńirlik jáne jahandyq deńgeidegi sý qaýipsizdigi men sý resýrstaryn basqarý máselelerin sheshýdiń ózektiligine mán berildi. Bul rette Qazaqstannyń BUU aiasynda Halyqaralyq sý uiymyn qurý jónindegi bastamasynyń mańyzy airyqsha.
Túrkistan oblysy BAÁ Ulttyq meteorologiia ortalyǵymen birge sý qoimalaryn toltyrý jáne aýyl sharýashylyǵy jerlerine sý jetkizý maqsatynda jaýyn-shashyndy jasandy jolmen shaqyratyn bastamany júzege asyrady. Atalǵan joba biyl 17 mamyrda iske qosylady. Osylaisha, Qazaqstan óńirde jasandy jańbyr tehnologiiasyn paidalanǵan alǵashqy el bolmaq.
