Alakóldegi demalys orny qazaq tilinde qyzmet kórsetýden bas tartyp, klientke dóreki jaýap berip, "orystar bolmasa Qazaqstan da bolmas edi" dep ótkir málimdeme jasaǵan, dep habarlaidy Dalanews.kz.
Bul týraly Threads qoldanýshylary jazdy. Áýeli demalys orny oryssha jaýap bergendikten klient túsinbegenin aitqan.
Artynsha dialogty qazaqsha jalǵastyryp edi "aqymaqsyz ba? sizge qai tilde jazý kerek?" dep dórekilik tanytqan.
Klient tek demalys oryndary týraly aqparat kerek ekenin aitqan.
"Oryssha túsinbeimin. Ol sizge unamai ma? Memlekettik tildi syilamaisyz ba?", - degen klient.
Klienttiń bul ótinishine demalys orny dóreki jaýap bergen.
"Biz, orystar bolmasaq, senderdiń elderiń memleket bolar ma edi? Táýelsizdik alǵan kezde bári solai bolǵany úshin biz kinálimiz be? Senderdiń úkimetteriń jemqorlyqqa salynyp, halqyńyzdy tilge úiretpegeni úshin biz kinálimiz be?", - deidi demalys orny.
Qaznet reaktsiiasy
Abdýlla Muhamed esimdi qoldanýshy demalys orny Qazaqstan egemendigine til tigizgenin aitady.
"Dostar myna alakol.ostrovok degen demalys ornynyń ákimshisi Qazaqstan egemendigine til tigizgen.Bul skrinshot sol demalys aimaǵynyń ákimshisimen demalýǵa barǵysy kelgen jigittiń qysqasha jazbasy.Dostar instagramyn belgilep kettim. Barynsha tarataiyq,bóliseiik", - deidi ol.
"Qazaqstanda turyp, óz týǵan jerimizde qazaqsha qyzmet kórsetilýin talap etýimizdiń ózi absýrd negizi. Osyndai jaǵdai kúnde qaitalanýda. Biraq sabaq alyp jatqan eshkim joq", - deidi ol.
"Balaqtaǵy bit basqa shyqty degen osy, aǵaieeen! Bulardyń syry burynnan belgili. Betimizge ótirik kúlip, ishterinen pútin ákelerin saǵynyp otyrady. Tredste zańgerler otyrsa, bárimiz jabylyp E-ótinish arqyly aryzdanaiyq! Sońǵy kezderi qazaq pen orystyń arasy órshiin dep tur. Qazaqty adam qylǵan osylar eken-mis. Ne deimiz, shyǵyp ketsin be halqym?!", - deidi Ardaq Japarova esimdi qoldanýshy.
Qazirgi tańda qazaqstandyqtar atalǵan demalys ornynyń ústinen e-otinish portalyna aryz túsire bastaǵan.
Biz demalys ornynyń ózimen bailanysýǵa tyrystyq. Alaida ázirge bul jaitqa qatysty naqty jaýap berilmedi.
