Sondyqtan, Qazaqstan musylmandary dini basqarmasynyń naib múftii, "Nur Astana" meshitiniń bas imamy Naýryzbai qajy Taǵanulynyń aitýynsha, "Nur-Múbárák" ýniversiteti men birneshe medresede orys toptary ashylyp, mamandar daiyndalyp jatyr.
Ótken jyly imamdardyń ýaǵyzyn tolyq túsinbeitin dindarlar bar bolǵandyqtan, kópultty eldi-mekenderdegi jekelegen meshitterde qazaqsha ýaǵyzdan keiin qosymsha orys tilinde túsinikteme berý usynylǵan edi. Óitkeni qazaqsha ýaǵyzdy túsinbegen azamattar islam týraly aqparatty resmi emes derekkózderden, onyń ishinde teris dini aǵym ustanýshylarynan alýǵa májbúr.
"Halyqtan túrli suranys bar. Elimizde 70 paiyzdan kóp musylmandar turady. Onyń ishinde, árine, qazaq tildiler kóp. Biraq musylman dinin ustanatyn orys tildi jamaǵat ta bar. Solardyń ótinishi boiynsha elimizde orys tildi jamaǵat kóp shoǵyrlanǵan jerde orys tilinde de ýaǵyz júrgizilip jatyr. Bul suranysqa bailanysty, mysaly juma ýaǵyzy tolyqtai orys tilinde júrgizilmeidi. Óitkeni qazaq tildi jamaǵat oǵan renjidi. Al biz orysshany qosyp, búgingi ýaǵyzdy túsindirip ketemiz.
Bir meshitte "Qazaqsha túsinbeimiz, oryssha túsindirip berseńizder" dep jamaǵat surasa, biz sol jamaǵattyń suranysyn qanaǵattandyramyz. Negizi, meshitke keletin jamaǵat qazaq tildi ǵoi",
— deidi Naýryzbai qajy.
Budan bólek, meshitterde orys tilinde arnaiy sabaqtar da júrgiziledi. Bul rette ýaǵyzdy túsindiretin jáne sabaqtardy oryssha júrgizetin mamandar kerek qoi. Sondyqtan "Nur-Múbárák" ýniversiteti men birneshe medresede orys toptary ashylyp, arnaiy mamandar daiarlanyp jatyr.
Derekkóz: nur.kz
