Rosatomnyń resmı saıtyndaǵy málimetke qaraǵanda, qujat 20 qańtarda Dýbaıdaǵy "Ekspo-2020" kórmesinde qabyldanǵan. Reseı shaǵyn atom tehnologıasyn osy jerde kórsetken.
Memorandýmǵa korporasıanyń bas dırektory Alekseı Lıhachev pen qyrǵyz Energetıka mınıstri Dosqul Bekmurzaev qol qoıdy.
– Qyrǵyzstandaǵy mundaı atom stansıalary eldiń energetıkaǵa suranysyn ótep qana qoımaı, halyq turmysynyń sapasyna, Ortalyq Azıadaǵy ǵylymı-tehnıkalyq jaǵdaıynyń damýyna oń áser etedi, – dep málimdedi Alekseı Lıhachev.
Qyrǵyzstannyń energetıka mınıstrligi áriptestik memorandýmy týraly málimet taratyp, "qyrǵyz jaǵy bar bolǵany qyzyǵýshylyq bildirgenin", Qyrǵyzstan aýmaǵynda shaǵyn AES salý týraly sheshim qabyldaý úshin kóp ýaqyt qajet ekenin málimdegen.
