Olardyń denesin súńgýirler alyp shyqqan. Ekinshi aýysymda oqityn úsheýi de keshe kúndiz úiinen «mektepke baramyz» dep shyǵyp ketkenimen, sabaqqa qatyspaǵan eken. Olardy ustazdary da izdemepti. Tek kesh qaraǵaiǵanda baryp sabaqtan qaitpaǵan balalaryna ata-analary izdeý salǵan.
Joǵalǵan úsh oqshyny túni boiy aýyl azamattary men eriktiler izdegen.
Al tańǵa jýyq eriktilerdiń biri úsh oqýshynyń sómkesin jaǵalaýdan taýyp alypty. Budan keiin oqiǵa ornyna qutqarýshylar kelip úsh balanyń sý ishinen tapqan.
Ainalasy qorshalmaǵan kólshik aýyl ortasynda qaraýsyz jatyr. Eger jaǵalaýdan balalardyń sómkesi tabylmaǵanda, olardyń osy jerde ekenin eshkim de bilmes edi.
Kólshik mektepten shamamen bir shaqyrym qashyqtyqta ornalasqan. Biraq bir mektepte oqityn Sabyr, Vadim men Denistiń bul jerge qalai kelgeni belgisiz.
Óitkeni ainalasyn qamys basqan toǵannyń mańaiynda úi-jai joq. Qoǵamdyq kólik te qatynamaidy. Alaida qaza bolǵan Vadimniń týystary onyń «mektepke baramyn» dep avtobýsqa otyryp ketkenin aitady.
– Túski birde mektepke ketti. Anasy ózi shyǵaryp salǵan. Sabaqta telefon qoldanýǵa bolmaidy. Sondyqtan keshke deiin ony izdegen joqpyz. «Sabaqta otyr» dep oiladyq. Alaida mektepten shyqty-aý degen kezde habarlassaq, telefony óship tur. Sodan bastap olardy izdei bastadyq, – deidi týysy Diana Nikolaeva.
Úsh oqýshynyń joǵalyp ketkenin mektep ujymy da ábden kesh qaraiǵanda estigen. Sondyqtan barlyǵy jabylyp izdeýge kirisken. Tipti politsiiaǵa habarlasyp, eriktilerdiń kómegine júginipti.
– Saǵat úshten ketkende bizdiń Aleksei degen volonterimiz septik pa, káriz qudyǵy ma, jaǵalaýynan úsh riýkzak taýyp aldy. Keiinnen politsiia, jedel járdem, tótenshelikterdi shaqyrttyq, – dedi erikti Lázzat Talimova.
Keshe sabaqqa kelmegen oqýshylardy muǵalimderdiń nege izdemegenin sol kúii bile almadyq. Óitkeni bilim oshaǵynan úsh oqýshynyń aýyr qazasyna qatysty pikir bildiretin bir adam tabylmady. Basshylardyń bárin politsiia bólimshesine shaqyrtyp ketipti.
Úsh jetkinshektiń ómirin jalmaǵan toǵanǵa jaqyn mańdaǵy balalar syrǵanaq tebýge jii keledi eken. Alaida aýyl turǵyndary kún jylyda onyń qaýipti ekenin aitýda. Sondyqtan káriz sýy jinalatyn kólshiktiń ainalasyn qorshaýdy talap etýde.
Dias NURAQYN
https://dalanews.kz/50391
