Zaýyttyń qurylysymen tanysqan óńir basshysy kásipkerlermen pikirlesip, memleketten tiisti kómek kórsetiletinin jetkizdi.
– Investorlarǵa qoldaý kórsetiledi. Ár jobany josparǵa sai ýaqtyly ári sapaly atqarý kerek. Aýdan, qalalardaǵy jobalar iske assa, oblysymyzdyń ekonomikasynyń damýyna úles qosady dep úmittenimin, – dedi óńir basshysy.
Zaýyttyń jyldyq qýattylyǵy – 10 myń tonna ónim shyǵarýǵa jetedi. Joba «Badam» indýstrialdy aimaǵynda ornalasqan.
2016 jyly Indýstriialandyrý kartasy aiasynda memlekettik qabyldaýdan ótip, iske qosylǵan. Gaz qubyryna qosylýǵa «QazTransGaz Aimaq» AQ-nan tehnikalyq shartty osy jyldyń maýsym aiynda alyp otyr.
Investitsiialyq quny 3 mlrd teńgeni quraityn bul jobanyń qurylys-montajdaý jumystary óz qarjysy esebinen júrgizilip, biyl memlekettik qabyldaýdan ótti. Kásiporyn jyl sońyna deiin 100 jańa jumys ornymen ashatyn bolady. Zaýytta boialǵan jáne boialmaǵan pliýminii profilderi shyǵarylady.
Aita keteiik, «Gold Aluminium» zaýyty – elimizdegi ártúrli maqsattaǵy aliýminii profilderin jáne odan jasalǵan buiymdardy shyǵaratyn kompaniialardyń arasynda kóshbasshy.
Sapar barysynda oblys ákimi Aqbulaq aýylyndaǵy «KAZ KIOTI» JShS-inde bolyp, aýylsharýashylyq tehnikasyn shyǵaratyn zaýyttyń jumysymen tanysty. Joba quny – 7,2 mlrd teńge. Jylyna 2000 dana tehnika shyǵarýǵa qaýqarly kásiporynda 50 adam qyzmet etedi.
2015 jyly salynǵan zaýyt «Údemeli indýstriialdy-innovatsiialyq damý» memlekettik baǵdarlamasy aiasynda iske qosylǵan. Kompaniianyń seriktesteri – aýylsharýashylyq tehnikasynyń álemdegi jetekshi óndirýshileri. Olar – «DongFeng» jáne «WUZHENG». Búginde Ordabasy indýstrialdy aimaǵynda qurastyrylatyn traktorlarǵa suranys joǵary.
Darhan Satybaldy kásiporynnyń jumysyn oń baǵalap, indýstrialdy aimaqtarda osyndai jobalardy kóbeitýdi tapsyrdy. Investitsiialyq shtabta jobalardy talqylap, qoldaý kórsetýge daiyn ekenin jetkizdi.
