Ońtústik Qazaqstan oblysy ákiminiń ókimimen Ordabasy aýdanynyń ákimi bolyp Rashıd Úsiphanuly Qaıypjanov taǵaıyndaldy.
Jańa basshyny tanystyrýda óńir basshysy laýazym ıesiniń jumysyna tabys tilep, Ordabasy aýdanynyń áleýmettik-ekonomıkalyq ál-aýqatyn kóterýde Elbasy tapsyrmalaryn merzimdi ári nátıjeli oryndap, senim údesinen shyǵýdy tapsyrdy. Sonymen birge, aýdan ekonomıkasyn damytýda ınvestısıa tartý, jańa jumys oryndaryn kóptep ashýdy júktedi. Óńir basshysy aýdannyń damýyna óz úlesin qosqan burynǵy ákim Almasbek Mamytbekovke alǵysyn bildirdi.
«Ordabasy aýdanynda oblysymyzdaǵy iri ındýstrıaldy aımaq pen kásiporyndar kóptep shoǵyrlanǵan. Onyń ústine aýdandy «Batys-Qytaı, Batys – Eýropa» avtomagıstrali qıyp ótedi. Temir jol qatynasy da jolǵa qoıylǵan. Osy múmkindikterdi paıdalanyp, óńirdiń ekonomıkalyq damý kórsetkishterin jaqsartýǵa ábden bolady. Sondaı-aq aýdanda ınfraqurylymdyq-kommýnaldyq qajettilikter ıaǵnı sý, jaryq, jol máseleleri sheshilmegen eldimekender barshylyq. Jańa basshyǵa kúre joldyń boıynan servıstik qyzmet nysandaryn kóptep salyp, tabysty eselep, týrısik baǵyttaǵy nysandardy zamanaýı úlgide damytý júktelip otyr. Budan bólek, aýdandaǵy bilim, aýyl sharýashylyǵy salalaryn jaqsartýdy tapsyramyn» ,- dedi J. Túımebaev.
Rashıd Úsiphanuly Qaıypjanov 1970 jyly 2 qańtarda týylǵan, bilimi joǵary, mamandyǵy boıynsha biliktiligi - ınjener-mehanık. Qazaqstan Respýblıkasy Prezıdenti janyndaǵy Memlekettik basqarý akademıasynyń Memlekettik saıasatyń ulttyq mektebiniń túlegi bolyp tabylady, akademıalyq dárejesi – áleýmettik ǵylymdar magıstri.
Eńbek jolyn 1986 jyly Ońtústik Qazaqstan oblysy Saryaǵash aýdanynyń Telman kolhozynda jumysshy bolyp bastaǵan.
1992-2011 jyldary «USKAX-IMEX» shaǵyn kásiporynda menejer, «Astana» aksıonerlik qoǵamynyń avtokólik mamany retinde jumys atqarǵan, «Aqjar» óndiristik kooperatıviniń múshesi bolǵan, «Eńbek» sharýa qojalyǵy tóraǵasynyń orynbasary, Ońtústik Qazaqstan oblysy Saryaǵash aýdanynyń Aqjar aýyldyq okrýginiń ákimi laýazymdaryn atqarǵan.
2011 jyldyń qańtar aıynan bastap Ońtústik Qazaqstan oblysy Saryaǵash aýdany ákiminiń orynbasary laýazymyn atqaryp keldi.
OQO ákiminiń baspasóz qyzmeti
