Eske sala ketsek, 2019 jyly 15 qarasha kúni Taraz qalasynyń «102» pýltine jedel járdem qyzmetinen jasóspirim qyzdyń zorlanǵany týraly habar túsedi.
Sotqa deiingi tergeý QR QK 120-babynyń 4-bóligi jáne 121-babynyń 4-bóligi boiynsha júrgizildi. Kóp uzamai aýyr qylmys jasady degen kúdikpen er adam ustalǵan bolatyn.
Qylmys mekteptiń dalada ornalasqan dárethanasynda jasalǵan. Kúdiktini ustaýǵa mektep aýmaǵyndaǵy kameralar kómektesken. Sot zardap shegýshiniń jas ereksheligin eskere otyryp jabyq rejimde ótti.
Sot barysynda aiyptalýshy óz kinásin tolyq moiyndady. Sottalýshy – 38 jastaǵy Taraz turǵyny, úilenbegen, buǵan deiin osy tektes qylmys jasaǵany úshin sotty bolǵan.
Ol QR Qylmystyq kodeksiniń 121-baby, 4-bóligi «Kámeletke tolmaǵanǵa qatysty seksýaldy sipattaǵy zorlyq-zombylyq» jáne 120-baby, 4-bóligi «Kámeletke tolmaǵanǵa qatysty zorlaý» boiynsha kináli dep tanyldy.
Sot jazalardy biriktire otyryp, 25 jylǵa bas bostandyǵynan aiyrý jáne himiialyq kastratsiia jasaý týraly úkim shyǵardy.
Sonymen qatar, sottalýshy jábirlenýshi tarapqa 5 million teńge kóleminde moraldyq shyǵyndy tóleýge mindetteldi.
Oblys ákimi Asqar Myrzahmetovtiń tapsyrmasymen Jambyl oblysynyń politsiia basqarmasy mektepterdegi oqýshylardyń qaýipsizdigin qamtamasyz etýdegi kemshilikterdi anyqtaý úshin jumys tobyn qurdy. Quqyq qorǵaý jáne bilim berý bólimderiniń birqatar qyzmetkerleri jazaǵa tartyldy.
