"Alǵashqy toqsan 5 qarashada aiaqtalady. Sanitariialyq dárigerlerdiń talaptary boiynsha oqýshylar negizinen qashyqtan oqýda. Ata-analardyń talap-tilekteri boiynsha 1-4 synyp oqýshylary sanitariialyq talaptardyń saqtalýymen kezekshi synyptarda bilim alyp jatyr. Bir synypta oqýshylardyń sany 15-ten aspaýy kerek.
Ekinshi toqsan boiynsha densaýlyq saqtaý ministrliginiń sheshimin kútip otyrmyz. Bas memlekettik sanitariialyq dáriger tiisti qaýly shyǵarady.
Densaýlyq saqtaý ministrliginen sheshim shyqqannan keiin ony birden habarlaityn bolamyz", - dedi bilim jáne ǵylym ministrliginiń baspasóz hatshysy Gaýhar Omarbek.
Onyń aitýynsha, karantin shekteýleri jaǵdaiynda oqytý formaty týraly sheshimdi bas memlekettik sanitariialyq dáriger qabyldaidy.
"Mektep jumysynyń formaty kinoteatrlar, saýda ortalyqtary, fitnes-ortalyqtar sekildi sanitariialyq dárigerlerdiń sheshimi men epidemiologiialyq ahýalǵa bailanysty bolady. Tek shynaiy aqparat kózderine senýge shaqyramyz. Jalǵan aqparat taratqan adamdardyń qylmystyq jaýapkershilikke tartylatynyn eskertemiz", - deidi Gaýhar Omarbek.
