Qazirgi tańda Qazaqstannyń orta bilim berý júiesinde barlyǵy 8 848 mektep bar
Qazaqstannyń bilim ministri Juldyz Súleimenova jalpy bilim beretin mektepter direktorlarynyń qyzmet merzimin shekteý jáne rotatsiia júiesin engizý týraly bastama kóterdi. Onyń aitýynsha, bul usynys keńinen talqylandy jáne ministrlikte analitikalyq jáne saraptamalyq zertteý taqyrybyna ainaldy, dep habarlaidy Dalanews.kz
Oqý-aǵartý ministri atap ótkendei, ol buǵan deiin mynadai úlgini bekitýdi usynǵan bolatyn: mektep direktory eki oqý jylyna taǵaiyndalady, al oń nátijelermen onyń ókilettigi taǵy eki jylǵa – nátijesinde bir mektepte eń kóp degende tórt oqý jylyna uzartylýy múmkin.
“Men osydan birneshe apta buryn jalpy mektep direktorlarynyń taǵaiyndalýy, olardyń jumys isteý uzaqtyǵyna bailanysty bir usynysymdy ortaǵa salǵan bolatynmyn. Iaǵni, kez kelgen direktor taǵaiyndalǵannan keiin 2 oqý jyly jáne jaqsy nátije kórsetip jatsa taǵy da eki oqý jyly, sonda túbinde 4 oqý jylyna taǵaiyndalýy qajet degendi aitqanmyn”, – dedi Súleimenova.
Ministrliktiń málimetine sáikes, qazirgi tańda Qazaqstannyń orta bilim berý júiesinde barlyǵy 8 848 mektep bar. Onyń ishinde 5233 mektep aýyldyq jerde, 2815 mektep qalalyq jerde ornalasqan. 2026 jyl 24 qańtardaǵy jaǵdaiǵa sáikes, 7238 mektep direktory jumys isteidi. Olardyń olardyń 810-y, iaǵni 10 paiyzy, – mektep basshysy qyzmetin ýaqytsha atqarýshylar.
“Meni mektep direktorynyń mindetin ýaqytsha atqarýshylardyń sandyq úlesi alańdatady. Eń joǵarǵy kórsetkish BQO-da – 15,6 paiyz. SQO-da –13 paiyz, ShQO-da – 12 paiyz. Biz basshylardyń osy sanatyna da kóbirek kóńil bólýimiz kerek”, – dep atap ótti ministr.
Ministrliktiń málimetine súiensek, mektep basshylarynyń arasyndaǵy áielderdiń úlesi – 62 paiyz, erlerdiń úlesi – 38 paiyz. Mektep basshylarynyń ortasha jasy – 48,5 jas. Direktorlardyń basym bóliginiń magistr deńgeii bar: olardyń eń joǵarǵy úlesi Astana qalasynda – 43 paiyz. Almaty qalasyndaǵy muǵalimderdiń 32 paiyzynyń, shymkenttik ustazdardyń 27,5 paiyzynyń magistrlik ataǵy bar.
“Meniń oiymsha, bul óte jaqsy kórsetkish”, – dep oiyn bildirdi Súioeimenova.
Ministr mektep direktorlarynyń jalpy eńbek ótiline erekshe nazar aýdardy. Qazaqstandaǵy mektep direktorlarynyń ortasha eńbek ótili – 26 jyl. Onyń ishinde 86 mektep direktorynyń (1,2 paiyz) eńbek ótili 5 jylǵa deiingi ýaqytty qamtidy eken. 6-10 jyldyń eńbek ótili bar direktorlar (328 adam) 4,5 paiyzdy, 11-15 jyl aralyǵynda ótili bar basshylar (759 adam) 10,5 paiyzdy quraidy. Al 16 jyldan jáne odan da joǵary ýaqyt mektep direktory qyzmetin atqarǵandardyń úlesi – 84 paiyz, iaǵni 6065 pedagog.
“Endi bir qyzyǵyn aitqym keledi, men 20 jyldan joǵary qyzmet etkenderdi qarastyrdym. Olardyń sany 129 eken. Onyń ishinde Aqmola oblysynda 23 direktor, Jambyl oblysynda 10 direktor, SQO-da 24 direktor, Pavlodar oblysynda 13 direktor, ShQO-da 12 direktor, Aqtóbe oblysynda 6 direktor, Abai oblysynda 14 direktor, Jetisý oblysynda 5 direktor bar”, – dedi ministr.
Súleimenovanyń aitýynsha, naqty sheshim áli qabyldanbaǵan, óitkeni bul máseleni tolyq zerdeleý qajet. Biraq, meniń oiymsha, bir jerde uzaq otyrǵan jandarǵa báribir rotatsiia jasalýy tiis.
“Biz áli bir sheshimge kelgen joqpyz. Biraq, meniń oiymsha, 20 jyl boiy direktorlyq qyzmet atqarǵan basshyǵa qatysty rotatsiia qoldanylýy tiis. Eger jaqsy qyzmet etip, úzdik nátijelerge qol jetkizse, onda basqa mektepke baryp, ony da dál solai damytsyn. Olardy eshkim qaitadan muǵalimdikke túsirip tastaiyn dep jatqan joq”, – dep túsindirdi ol.
Ministr basshy kadrlardyń ornyn aýystyrý arqyly mektepterdi damytýǵa qol jetkizý maqsatyn kózdeitinin jasyrmady.
“Biraq bir mektepte alǵashqy eki jylda, odan keiingi tórt jyl kóleminde qyzmetin jaqsy jaǵynan kórsetsin dep turmyz ǵoi. Odan keiin basqa mektepti de kótersin. Sondai usynystardy qarastyryp jatyrmyz”, – dedi Juldyz Súileimenova..
