Oqý-aǵartý ministri Juldyz Súleimenova jaratylystaný baǵytyndaǵy pánderdi biriktirý týraly usynysqa óz pikirin bildirdi, dep habarlaidy Dalanews.kz.
Ministrdiń aitýynsha, fizika, himiia jáne biologiia pánderiniń mazmuny men maqsattary bir-birinen túbegeili erekshelenedi, sondyqtan olardy jeke pán retinde saqtaý qajet.
“Meniń pikirim, bul pánderdi biriktirýge túbegeili qarsymyn. Óitkeni fizika bolsyn, himiia bolsyn, biologiia bolsyn, ol jerdegi pánderdiń mazmuny, maqsattary, taqyryptary múldem bólek. Sondyqtan da qazirgi tańda Oqý-aǵartý ministri retinde osy pánderdi jeke saqtap qalýǵa biz jumys jasap jatyrmyz”, – dedi vedomstvo basshysy.
Súleimenovanyń aitýynsha, Qazaqstan tehnologiialyq progreske umtylǵan memleket retinde myqty matematikterdi, fizikterdi jáne himikterdi daiarlaýy tiis. Bul pánderdi tereńdetip oqytýdyń ózektiligi de osydan týyndaidy.
“Biz qazirgi tańda tehnologiialyq progreske aiaq basatyn memleket retinde myqty matematikter, myqty fizikter, myqty himikter bolý kerek. Bul – bir másele. Ekinshi másele – mektep oqýshylary bazalyq deńgeide atalǵan pánderdi óte joǵary deńgeide meńgerýi mańyzdy”, – dedi ministr.
Onyń sózinshe, jaratylystaný pánderin jeke pán retinde saqtaý ári olardyń baǵdarlamalaryn odan ári jetildirý baǵytynda jumys jalǵasady.
