Bul týraly OQO Aımaqtyq komýnıkasıalar qyzmetinde ótken baspasóz konferensıasynda «Azamattarǵa arnalǵan úkimet» memlekettik korporasıasy» KE AQ OQO boıynsha fılıaly – «HQKO» departamentiniń dırektory Erkebulan Álseıitov aıtty.
Málimetinshe, 2017 jylǵy 6 aıda halyqqa qyzmet kórsetý ortalyqtarynyń jergilikti fılıaldarynda kelýshilerge 3 128 778 qyzmet sany (elektrondyq túrde 2 267 880 qujat qabyldanǵan (paıyzdyq úlesi – 72 %) kórsetilse, bul ótken jyldyń tıisti kezeńimen salystyrǵanda 537 899 qyzmet sanyna kóp degen sóz. Iaǵnı, kórsetilgen qyzmetter sany byltyrǵydan qaraǵanda 23% ósse, elektrondyq qyzmetter kólemi 20 % artqan.
Ózine-ózi qyzmet kórsetý sektorynda tıisti kezeńde 613 331 qyzmet túrin alýǵa keńes berilse, mobıldik HQKO arqyly 6 aıda 687 shyǵý jasalǵan. Ol boıynsha kórsetilgen qyzmetterdiń sany 31 020 quraǵan. Al múmkindigi shekteýli azamattarǵa úıine shyǵa otyryp qyzmet kórsetý boıynsha 1886 márte jumysshy top shyǵyp, olarǵa 3062 ret qyzmet kórsetken.
«2016 jyldyń qyrkúıek aıynan bastap pılottyq joba retinde iske qosylǵan memlekettik korporasıa qyzmetkerleriniń perzenthana ǵımaratynda birden 4 qyzmet túrin kórsetýge ótinish qabyldaý boıynsha jyl basynan bergi jarty jylda 27 186 qyzmet sany kórsetilgen. Onyń 16310 qyzmeti «Balanyń týylýyn tirkeýge» qatysty bolsa, 5974 qyzmet sany «Bala týýǵa jáne onyń kútimi boıynsha járdemaqy taǵaıyndaýǵa», 1756 qyzmet «Bala bir jasqa tolǵanǵa deıin onyń kútimine baılanysty tabysynan aıyrylǵan jaǵdaıda tólenetin áleýmettik tólemdi taǵaıyndaýǵa» jáne 4367 qyzmet sany «Balabaqsha kezegine turýǵa» qatysty boldy», - dedi Erkebulan Álseıitov.
Sondaı-aq, departament dırektory 2017 jylǵy 1 naýryzdan bastap «Azamattarǵa arnalǵan úkimet» memlekettik korporasıada sóıleý jáne estý qabileti buzylǵan azamattarǵa memlekettik qyzmetterdi kórsetýde jańa servıs paıda bolǵanyn málimdedi. Ol boıynsha adamdarǵa ymdaý tiliniń kásibı mamany arnaıy qosalqy monıtordan shynaıy ýaqyt rejıminde sýrdoaýdarma usynatyn bolady. Bul pılottyq joba azamattarǵa arnalǵan úkimettiń bastamasymen «Aýǵan soǵysynyń qazaqstandyq respýblıkalyq múgedekter birlestigi» qoǵamdyq birlestigimen birige otyryp júzege asyrylǵan.
Aıta ketken jón, «Azamattarǵa arnalǵan úkimet» memlekettik korporasıasy» KE AQ OQO boıynsha fılıaly – «HQKO» departamentinde qazirgi tańda, 8 qalalyq, 2 mamandyrylǵan HQKO jáne 18 aýdandyq bólim, halyq sany úlken eldi mekenderde 5 bólimshe jáne ÁTVEO bólimderinde ornalasqan 15 sektor qyzmet atqarady.
