Semınar-keńeste oblysta tuńǵysh ret latyn árpimen basylǵan kitaptardyń kórmesi qoıyldy. Oǵan OQO bas arhıvinde saqtalǵan latyn árpimen jazylǵan qundy qujattar, ońtústiktiń turǵyndarynyń qolynda saqtalǵan qoljazbalar, qan maıdannan kelgen hattar, 40-shy jyldary shyqqan «Ońtústik Qazaqstan» gazetiniń tigindileri qoıyldy. Qoljazbalar tarıhy týraly qundy dúnıeni alyp kelgen azamattardyń ózi áńgimelep berdi.
Semınar-keńeske oblystyń kitaphanashylary men jazýshylary, pedagogter, tanymal fılolog mamandary men oqyrmandar qatysty.
Semınar-jıynnyń modaratory, «Otyrar» oblystyq ǵylymı-ámbebap kitaphanasynyń dırektory Kúlıa Aıdarbekova jańadan usynylǵan latyn álipbıiniń apostroftarda berilgeni dıgraftardan qaraǵanda jeńil este qalatyndyǵy jáne oqý barysynda ońaılyǵymen bólisti. Munyń barlyǵy jalpyhalyqtyq talqylaýdyń tolymdy nátıjesi.
Jıynda eń alǵash bolyp sóz alǵan M.Áýezov atyndaǵy OQMÝ-niń Qazaqstan tarıhy kafedrasynyń meńgerýshisi Sársenbaı Karıbaev Elbasynyń aldynda tanystyrylǵan úlginiń tıimdiligi jáne yńǵaılyǵyna toqtaldy.
Elimizdiń qaıta túleýine baǵyttalǵan kólemdi maqalada aıtylǵan bastamalardy aldaǵy ýaqytta jumyla júzege asyrýǵa bel baılaǵan kitaphanashylar, semınardan jigerlengen kúıde tarqasty.
