Aıta keteıik, Ońtústik Qazaqstan oblysy búginde jalpy respýblıka boıynsha memlekettik-jekemenshik áriptestik aıasynda jobalardy iske asyrýda 5-orynǵa turaqtapty. Sondaı-aq, óńir basshysy atalǵan jobalardy iske asyrý maqsatynda úgit-nasıhat jumystaryn barlyq sala basshylary men máslıhat depýtattaryna tapsyrdy.
– Qazirgi tańda Elbasymyz elimizdegi kásipkerlikti damytý jolynda barlyq jaǵdaıdy jasap otyr. Sonyń biri – memlekettik-jekeshilik áriptestikti damytý. Bul qoǵamda mańyzdy jobalardy júzege asyrýǵa jeke ınvestısıalardy tarta otyryp tıimdi basqarýǵa, sondaı-aq memlekettik qyzmetterdi jeke sektorǵa berýge baǵyttalǵan memleketpen jeke bıznes arasyndaǵy yntymaqtastyq bolyp tabylady. Sondyqtan úgit-nasıhat quraldaryn kóptep shyǵaryp, kásipkerlerge túrli salalardaǵy birlesip atqaratyn jobalardy usynyp otyrý qajet, – dedi Janseıit Qanseıituly.
Basqarma basshysynyń aıtýynsha, jalpy ákimdiktiń bastamasymen 34 jobany memlekettik-jekeshelik áriptestik tetigi arqyly iske asyrý josparlanǵan. Zań talaptaryna sáıkes tıisti qujattary rásimdelgen 18 jobanyń tizbesi oblystyq máslıhatpen bekitilipti.
– Bıylǵy jyly 34 jobanyń 11-ine konkýrs jarıalandy. Onyń 1-ýi bilim, 3-eýi sport nysany. Baıqaý qorytyndysy 4 - tamyz aıynda anyqtalady. 4 jobanyń konkýrstyq qujattamalary ázirlený ústinde. Tıisti saraptama qorytyndylary alynǵannan keıin tizbesin bekitý úshin oblystyq máslıhattyń qaraýyna usynys beriletin bolady. Budan bólek, 12 jobanyń tujyrymdamasy daıyndalyp, jyl sońyna deıin tıisti saraptama qorytyndylaryn alý kózdelip otyr, – dedi Arman Sábıtuly.
Óńir basshysy memlekettik-jekemenshik áriptestikti damytý maqsatynda oblysymyzda memleket tarapynan bólinetin 95 mlrd. teńgeniń kólemindegi jobalardy ázirleýge shaqyrdy. Bul rette ákim balabaqshalar men sport keshenderin, fýtbol alańshalary jáne otbasylyq, stýdenttik jataqhanalardyń qurylys júrgizýge keńes berdi.
OQO ákiminiń baspasóz qyzmeti
