Onyń aıtýynsha, atalǵan jobalar «Nur álem» ulttyq pavılonyn tolyqtyrý maqsatynda Qazaqstan Respýblıaksy Energetıka mınıstrligimen iriktelip, «Astana EKSPO – 2017» UK» AQ-na usynylǵan.
Aldaǵy ýaqytta jasyl ekonomıka baǵytyndaǵy jobalardy keńinen tanystyrý maqsatynda jýrnalıser úshin arnaıy pres-týr uıymdastyralytynyn aıtqan spıker qatysatyn jobalardy atap ótti.
Olar, «Bolashaq energıasy», «Taza sý – ómir bulaǵy!» – «Sý resýrstary – Marketıń» JSHS-niń jobasy, «Negizgi sý agregattaryn jáne qosalqy qondyrǵylardy keshendi túrde jańartý» – «Shardara SES» AQ-y, «PKOP» JSHS-niń jańǵyrtý jobasynyń aıasynda qorshaǵan ortany jaqsartý boıynsha jańa tehnologıalar» – «PKOP» JSHS-gi, «Shymkentsement» AQ-yn jańǵyrtý jobasy aıasynda qorshaǵan ortany jaqsartý» – «Shymkentsement» AQ-y men «Ońtústik Qazaqstan oblysy Sozaq aýdanynda qýattylyǵy 50MVt kún elektrostansıasynyń qurylysy» - «Green Energy 3000» JSHS-ri.
Sonymen qatar, ol Ońtústik Qazaqstan oblysynda halyqaralyq mamandandyrylǵan kórmesine óńirlik deńgeıde daıyndalý boıynsha is-sharalar jospary ázirlenip, sol baǵytta tıisti jumystardyń atqaralyp jatqanyn aıtty.
«Josparǵa sáıkes, oblys kóleminde «EKSPO - 2017» kórmesin jarnamalaý jáne ilgeriletý, óńir turǵyndarynyń kórmege qatysýyn, kólikpen, jatyn orynmen qamtamasyz etý, kórmege qajetti eriktilerdiń daıarlyǵyn qamtamasyz etý, kórme qonaqtaryna arnalǵan týrısik marshrýttar ázirleý, kórmeniń ótý kezeńinde Astana qalasyna azyq-túlik ónimderin jetkizý jáne «Nur álem» Qazaqstannyń ulttyq pavılonyn tolyqtyrý baǵytynda jumystar júrgizilýde»,- dedi P.Qonysbaeva.
OQO ákiminiń baspasóz qyzmeti
