Ońtústiktegi «Naýryz – dýman» aptalyǵy kópshilikke naýryz kóje taratýdan bastaldy: 15 naýryz 2017

Ońtústiktegi «Naýryz – dýman» aptalyǵy kópshilikke naýryz kóje taratýdan bastaldy

Dalanews 15 naýryz, 2017

Ońtústik Qazaqstan oblysynda Ulystyń Uly kúni Naýryz merekesine arnalǵan «Naýryz – dýman» aptalyǵy bastaldy.

Naýryz aiynyń 21-ne deiin jalǵasatyn merekelik shara búgin Shymkent qalasyndaǵy Qoshqar ata ózeniniń jaǵasynda «Naýryz pati» is-sharasymen bastaý aldy. Onda OQO Qazaqstan halqy Assambleiasy uiytqy bolǵan sharada óńirdegi etnomádeni birlestikter ulttyq taǵamdar qoiylǵan dastarhan jaiyp, Naýryz merekesiniń simvolikalyq dámine ainalǵan naýryz kójeni kópshilikke taratty.

Eldi birlikke, tatýlyqqa shaqyratyn, halyqtyń yrys-berekesin molaitatyn merekede túrli etnos ókilderi jurtshylyqqa kóterińki kóńil-kúi syilaý maqsatynda arnaiy kontserttik baǵdarlama usyndy. Merekelik sharaǵa qatysqan oblystyq assambleia hatshylyǵynyń meńgerýshisi Muratáli Qalmuratov, Shymkent qalasy ákiminiń orynbasary Qairat Nurtai men oblystyq mádeniet basqarmasynyń basshysy Nurbolat Ahmetjanov mereke mańyzyna toqtalyp, óńir turǵyndaryn Ulystyń uly kúnimen quttyqtady.

[caption id="attachment_24885" align="aligncenter" width="850"]

SONY DSC[/caption]

Jańarý simvolyna ainalǵan Naýryz meiramy jyl sanap oblysymyzda jańasha leppen toilanyp keledi. Biyl ulysymyzdyń uiytqysy bolǵan Ońtústikte ulttyq salt-dástúr men ádep-ǵurypty dáripteý, nasihattaý maqsatynda bastalǵan «Naýryz» aptalyǵy jergilikti qolónershilerdiń qolynan shyqqan kádesyilardyń jármeńkesi, tazalyq aktsiiasy, ulttyq ónimder jármeńkesi, qaiyrymdylyq sharalary sekildi taǵylymdy sharalarmen jalǵasyn tabady.

OQO ákiminiń baspasóz qyzmeti

Ońtústiktegi «Naýryz – dýman» aptalyǵy kópshilikke naýryz kóje taratýdan bastaldy

Oqi otyryńyz

Aqniet pen Bórte: Toqaev Aqalteke qulyndaryna at berdi

Tursynbek Qabatov pen Móldir Muqannyń videosy jelide talqylanyp jatyr

Másimovtiń burynǵy kúieý balasy Reseide syrttai qamaýǵa alyndy