Ońtústik Qazaqstan oblysynda óńir basshysynyń tapsyrmasyna oraı oblysaralyq jáne halyqaralyq baǵyttaǵy qoǵamdyq kólikterge baqylaý jumystary kúsheıtildi. Osyǵan oraı oblystyq jolaýshylar kóligi jáne avtomobıl joldary basqarmasynyń uıytqy bolýymen Shymkent kólik prokýratýrasynyń, OQO İİD jergilikti polısıa qyzmeti men ákimshilik polısıa basqamasy jáne oblystyq kóliktik baqylaý ınspeksıasy basshylarynyń qatysýymen arnaıy jıyn ótti.

Otyrys nátıjesinde zańsyz jolaýshylar tasymalyna tosqaýyl qoıý maqsatynda birlesken is-sharalar jospary bekitilip, 2 mobıldik  top quryldy.

Oblys boıynsha reıdtik sharalar aǵymdaǵy jyldyń 19 qańtarynan bastap júrgizilip keledi. Atalǵan merzimnen bastap 1 aqpanǵa deıin QR Ákimshilik quqyq buzýshylyq týraly Kodeksine sáıkes 1091 hattama túzilgen. Onyń ishinde tikeleı jolaýshylar kóligine qatysty 157 hattama toltyrylyp, 2 mln. teńge kóleminde aıyppul salyndy.

Aıta keterligi, hattamalardyń 67 paıyzy – jolaýshy tasymaladýshy qoǵamdyq kólikterdiń mindetti tehnıkalyq tekserýden ótpendegine baılanysty bolsa, 24 paıyzy – saqtandyrý polısiniń bolmaýyna qatysty toltyrylǵan. Sondaı-aq, hattamalardyń 4 paıyzy – turaqty emes tasymaldaýmen aınalysýǵa quqyq beretin lısenzıanyń joqtyǵyna qatysty bolsa, 2,5 paıyzy – qyzmet kórsetetin mekeme men tapsyrys berýshi arasyndaǵy túziletin sharttyń kóshirmesiniń bolmaǵandyǵyn kórsetip otyr.

Júrgizilgen reıdtik sharalar nátıjesinde qoǵamdyq kólikterdi mindetti tehnıkalyq tekserýden jalǵan ótkizgen tehnıkalyq baıqaý mekemelerine shara kórý máselesine usynys engizildi. Bul tekserý jumystary aldaǵy ýaqytta quzyrly organdardyń qatysýymen turaqty júrgiziletin bolady.



 

OQO ákiminiń baspasóz qyzmeti