Otyrys nátijesinde zańsyz jolaýshylar tasymalyna tosqaýyl qoiý maqsatynda birlesken is-sharalar jospary bekitilip, 2 mobildik top quryldy.
Oblys boiynsha reidtik sharalar aǵymdaǵy jyldyń 19 qańtarynan bastap júrgizilip keledi. Atalǵan merzimnen bastap 1 aqpanǵa deiin QR Ákimshilik quqyq buzýshylyq týraly Kodeksine sáikes 1091 hattama túzilgen. Onyń ishinde tikelei jolaýshylar kóligine qatysty 157 hattama toltyrylyp, 2 mln. teńge kóleminde aiyppul salyndy.
Aita keterligi, hattamalardyń 67 paiyzy – jolaýshy tasymaladýshy qoǵamdyq kólikterdiń mindetti tehnikalyq tekserýden ótpendegine bailanysty bolsa, 24 paiyzy – saqtandyrý polisiniń bolmaýyna qatysty toltyrylǵan. Sondai-aq, hattamalardyń 4 paiyzy – turaqty emes tasymaldaýmen ainalysýǵa quqyq beretin litsenziianyń joqtyǵyna qatysty bolsa, 2,5 paiyzy – qyzmet kórsetetin mekeme men tapsyrys berýshi arasyndaǵy túziletin sharttyń kóshirmesiniń bolmaǵandyǵyn kórsetip otyr.
Júrgizilgen reidtik sharalar nátijesinde qoǵamdyq kólikterdi mindetti tehnikalyq tekserýden jalǵan ótkizgen tehnikalyq baiqaý mekemelerine shara kórý máselesine usynys engizildi. Bul tekserý jumystary aldaǵy ýaqytta quzyrly organdardyń qatysýymen turaqty júrgiziletin bolady.
OQO ákiminiń baspasóz qyzmeti
