Ońtústik Qazaqstan oblysynda shegirtkeniń qaptaýyna Aýyl sharýashylyǵy ministrligine qarasty boljaýshylar kináli.
Sebebi mamandar myńdaǵan gektar alqapty shegirtkege qarsy óńdeýge engizbegen dep málim etti oblys ákiminiń orynbasary Saparbek Tuiaqbaev, dep habarlaidy Baq.kz.
Óńirdiń aýylsharýashylyǵy salasynda atqarylyp jatqan sharýalardy saraptap shyqqan oblys ákiminiń orynbasary Saparbek Tuiaqbaev, komissiianyń aldyn-ala rastaǵan derekterine sáikes, Aýyl sharýashylyǵy ministrligine qarasty boljaýshylar ázirge 40 myń gektarǵa qatelesken dep otyr.
Boljam kezinde bul alqapta ziiankesterdiń shyǵatyny málim bolǵan. Aitýynsha, Shardara, Saryaǵash, Arysta 5 mamyrdan bastap shegirtke kúsheie bastapty. Alaida, himiialyq óńdeý jumystary mamyr aiynyń 17-nen bastalǵan. Kesh bastalǵan óńdeý jumystarynyń sapasy da nashar.
«Shegirtkemen kúresý jumystaryn jeńip alǵan merdiger kompaniianyń tehnikasy sai bolmai shyqqan. Der kezinde qadaǵalaý sharalary da júrgizilmegen. Bul sapasyz tirliktiń zardabyn sharýalar tartty», - deidi oblys ákiminiń orynbasary.
Sondai-aq ol shyǵynǵa ushyraǵan dihandarǵa kómek kórsetiletinin jetkizdi.
«Qazir tizilim jasaqtalyp jatyr. Bul qoldaý sharalary zańǵa sai dep tabylmasa, shegirtkeden ziian shekkenderge kómek qolyn sozýdyń basqa da joldary qarastyrylady», - dedi S.Tuiaqbaev.
