Onyń aitýynsha, oblystaǵy orman sharýashylyǵy mekemelerinde barlyǵy 13986,4 gektarǵa orman molaitý jumystary júrgizilgen. Onyń ishinde 10577 gektarynda 59 tonna sekseýil tuqymyn sebý jumystary bolsa, 3409,4 gektarynda kóshet egý jumystary atqarylypty.
«Oblystaǵy ańshylyq alqaptardyń jalpy aýmaǵy 6 mln. 735 myń 800 gektardy quraidy. «Qansonar» respýblikalyq qaýymdastyǵynyń málimetine sáikes ótken jyly oblystaǵy ańshylar sany 8055-ke jetken. Oblystaǵy ańshylyq aýmaqtyń 6 mln. 563 myń 300 gektary 10 ańshylyq paidalanýshyǵa bekitilip otyr. Qoldanystaǵy zańnamalardaǵy ózgeristerge sáikes 2017 jyldan bastap parkter aýmaǵynda jáne Qazaqstannyń Qyzyl kitabyna engen janýarlardy aýlaýǵa zańmen tyiym salynǵan» - dedi Baqytjan Esirkepuly.
Aita keterligi, oblystaǵy balyq sharýashylyǵy sý aidyndarynyń sany 15-ke jetken. Onyń ekeýi Shardara sý qoimasy men Syrdariia ózeni, qalǵandary jergilikti mańyzy bar sý aidyndary. 2017 jylǵa josparlanǵan shabaqtandyrý jumysy 151 paiyzǵa asyra oryndalyp, sý aidyndaryna 186 myń balyq shabaqtary jiberildi.
Budan bólek, aýmaqtyq inspektsiiamen zań buzýshylarǵa jalpy somasy 4 mln 188,6 myń teńgeniń aiyppuly salynyp, jyl sońyna deiin 4 mln. 120,5 myń teńgesi óndirilgen. 2017 jyly tekserýler men tabiǵat qorǵaý is-sharalary nátijesinde barlyǵy 324 quqyq buzýshylyq anyqtalǵan. Onyń ishinde 253-i balyq sharýashylyǵynda, 43-i ańshylyq sharýashylyǵy boiynsha, 28-i orman sharýashylyǵyna qatysty bolyp otyr.
Al 2018 jyldyń alǵashqy toqsanynda inspektsiia mamandarymen 93 ákimshilik quqyq buzýshylyq oqiǵalary anyqtalǵan. Onyń ishinde ań aýlaý talabyn buzýshylar - 28, orman zańnamasy boiynsha - 13, balyq aýlaý talabyn buzýshylar - 52. Salynǵan aiyppul somasy 1 mln. 39 myń teńge bolsa, óndirilgeni 834 myń teńge kóleminde.
OQO ákimniń baspasóz qyzmeti
