Jalpy oblysta ómirge urpaq ákelip, olardy tárbielep ósirýde úlgi-ónege bolyp júrgen altyn qursaqty analar jetkilikti. Bulai deitinimiz Ońtústik Qazaqstan oblysy kóp balaly analar sany boiynsha respýblikada kósh bastap tur. Búginde óńirde kóp balaly analar sany 98 600-den asty. Onyń 3 998-i «Batyr analar», al 16 361-i «Altyn alqa» belgisiniń iegeri bolsa, 42 724-i «Kúmis alqa» taqqan. Budan bólek, oblysta 6 906 ana I-shi jáne II-shi dárejeli «Ana Dańqy» ordenimen marapattalǵan.
Óńirde ana men bala ólimi azaiyp, demografiialyq potentsial jyl saiyn artyp keledi. Máselen, 2017 jyly ana óliminiń kórsetkishi 14,4 paiyzǵa tómendese, náreste ólimi 3,4 paiyzǵa kemigen. Al ana men bala ólim-jitimin tómendetý boiynsha oblysta júieli túrde jumystar atqarylyp keledi.
Atap aitqanda, №2 Shymkent qalalyq perzethana men ShQQA, ShQA№1, Aqsýkent, Kentaý, Saryaǵash, Báidibek, Ordabasy, Jetisai, Túlkibas perzenthanalarynda maman jáne materialdyq-tehnikalyq resýrstary joǵarylatylyp, II- shi deńgeige aýystyryldy. Sonymen qatar, qosymsha pediatriialyq 110 tósek-oryn ulǵaitylsa, №1 Shymkent qalalyq balalar aýrýhanasy bazasynda 15 tósek oryndyq palliativtik kómek jáne kútim kórsetý bólimshesi ashyldy. Budan bólek, respýblikada alǵash ret júike aýrýlar patalogiiasymen 3 jasqa deiingi balalarǵa ońaltý ortalyǵy iske qosylyp, balalar stomatologiialyq emhanasy táýliktik jumys rejimine kóshirildi.
Aita keteiik, jyl saiyn 80 myńǵa jýyq nemese eldegi árbir 5-shi sábi Ońtústik óńirinde dúniege keledi.
OQO ákiminiń baspasóz qyzmeti
