Elbasynyń «100 naqty qadam» ult Josparynda memlekettik qyzmettiń kásibıligin arttyrý tapsyrmasy aıasynda júrgizilgen keshendi atestattaý qorytyndysyn baıandaǵan departament basshysy óńirdegi 8 489 memlekettik ákimshilik qyzmetshiniń 6483-i atestatsıa tapsyrsa, qalǵany bos oryndar men atestatsıadan bosatylǵandar ekenin jetkizdi.
«Ult josparynyń bir qadamy bul - elimizde alǵash ret ótkizilgen keshendi atestattaý. Keshendi atestattaý deıtin sebebimiz, bul memlekettik qyzmetshilerdi jaı ǵana synaqtan ótkizý emes. Atestattaý kezinde buryn-sońdy memlekettik qyzmette bolmaǵan úderis - memlekettik qyzmetshiniń quzirettilik qasıetteri synalady. Qyzmetshilerdiń qyzmetti tutynýshylarǵa baǵdarlarlaný, qyzmetti tutynýshylarǵa habarlandyrý, qyzmetti basqarý, yntymaqtastyq, sheshim qabyldaý, jedeldilik, ózdiginen damý, adaldyq, jaýapkershilik, bastamashyldyq jáne stresske ornyqtylyq sıaqty quzyretteri boıynsha baǵalaý testileý arqyly júrgizildi», - dedi Á.Kómekbaev.
Jalpy oblysta barlyǵy 63 komısıa qurylyp, ózderine júktelgen jumysty jaqsy atqaryp shyǵyp, atestattaýdy óz deńgeıinde ótkizgen. Oblysta atestattaýdyń testileý satysynan ótken memlekettik qyzmetshi ishinde: «óte jaqsy» nátıje alǵandary - 1766, «tıimdi» - 4482, «qanaǵattanarlyq» - 222, «eń tómen» degen.kórsetkishti - 13 azamat alǵan. Al atestattaýdan oń nátıjemen aıaqtaǵan 239 qyzmetshi joǵarylatýǵa usynylǵan.
Spıkerdiń aıtýynsha, atestattaý barysynda eń úlken júk OQO ákimi apparaty men Memlekettik kirister departamentine artylǵan. Sebebi, oblys ákimi apparatynyń biryńǵaı atestattaý komısıasynda 946, al Memlekettik kirister departamentinde 748 qyzmetshi atestattaýdan ótken.
