Ońtústikte latyn álipbiine qatysty eksperttik talqylaý ótti
Eksperttik talqylaýǵa Qazaqstan Respýblikasynyń Prezidenti janyndaǵy Qazaqstannyń strategiialyq zertteýler institýtynyń ekspertteri, oblystyń ziialy qaýym ókilderi, joǵary oqý oryndarynyń oqytýshylary men stýdentteri, til mamandary qatysty.
Eksperttik talqylaýda Qazaqstannyń Strategiialyq zertteýler institýtynyń «Áleýmettik-saiasi zertteýler» bóliminiń jetekshisi, Ph.D Joldybalina Alýa Serikqyzy latyn álipbiine kóshýdiń joldary jáne álemdik deńgeidegi latyn álipbiiniń mańyzdylyǵyn naqty ǵylymi aiǵaqtarmen aityp ótti.
Sondai-aq, latyn álipbiine ótken memleketterdiń tájiribelerin kórsetip, latyn álipbiine ótý jalpy orta eseppen 12-15 jyl ýaqyt talap etetindigin jáne latyn álipbiine kóshý barysynda qazaq tiliniń úndestik zańdylyqtaryn saqtaý qajettigine toqtaldy.
Al, halyqaralyq «Alash» syilyǵynyń laýreaty Marhabat Baiǵut latyn álipbine kóshý ýaqyttyń talaby ekendigin aityp, usynylǵan latyn álipbiindegi 25 áripterdi eshqandai ózgeristerge ushyratpai sol qalpynda qaldyrýdy qoldaityndyǵyn jetkizdi.
Sonymen qatar, filologiia ǵylymdarynyń doktory, professor, M.Áýezov atyndaǵy OQMÝ-dyń filologiia fakýltetiniń dekany Tileýberdiev Bolatbek Maqulbekuly latyn álipbiine kóshýdiń qazirgi jastar úshin jańa zamanaýi tehnologiiany igerýdiń birden-bir joly ekendigin aitty.
M.Áýezov atyndaǵy OQMÝ-i jaratylystaný fakýltetiniń 3 kýrs stýdenti Hamraev Alisher latyn álipbiine kóshýdi jastar qoldaityndyǵyn jáne Túrki tildes memleketter arasyndaǵy qarym-qatynastyń nyǵaiýyna zor múmkindik beretinin aityp ótti.
