Eki jaqty kezdesýge Bonn ýnıversıtetiniń profesory Shtefan Kýrsman, Kún energetıkasy ınstıtýtynyń dırektory Ýlf German, Kún energetıkasy ınstıtýtynyń jańǵyrmaly energıa kózderi departamentiniń basshysy Krıshtıaný Boýran men M.Áýezov atyndaǵy Ońtústik Qazaqstan memlekettik ýnıversıtetiniń aǵa oqytýshy, profesorlary qatysty.
Onda qos tarap Germanıa memleketiniń Iýlıh qalasyndaǵy Kún energetıkasy ınstıtýtynyń arnaıy jobasyn Ońtústik Qazaqstan oblysynda júzege asyrý jaıyn talqylady.
Sonymen qatar, profesor Sh.Kýrsman M.Áýezov atyndaǵy Ońtústik Qazaqstan memlekettik ýnıversıteti men Germanıa memleketiniń Iýlıh qalasyndaǵy Kún energetıkasy ınstıtýty arasynda tyǵyz qarym-qatynas ornatylyp, energetıka salasynda ınovasıalyq jańa tehnologıalardy damytý baǵytynda birqatar ǵylymı-zertteý jumystary júrgizilip jatqanyn málim etti.
Joǵaryda atalǵan birlesken jobanyń negizgi maqsaty arnaıy jyljymaly qondyrǵylar ornatý arqyly Qazaqstannyń shalǵaıda turatyn fermerler men mal sharýashylyǵymen aınalysatyn shaǵyn bıznes ókilderin elektr energıa jáne aýyz sýmen qamtamasyz etý bolyp tabylady.
Bul arnaıy jyljymaly qondyrǵy kóbinese kún energıasyn paıdalaný arqyly jumys isteı alady. Joba naqty zerttelip qondyrǵylar oblysymyzǵa ornatylatyn jaǵdaıda, qosymsha jumys oryndary ashylady.
Eki el ýnıversıtetine ortaq zertteý jobasy bolyp tabylatyn ınovasıalyq jańa tehnologıalardy damytý GFR Bilim mınıstrligi jaǵynan qarjylandyrylady. Kezdesý barysynda Jaqyp Quttybekuly atalǵan jobanyń oblysymyzǵa qajettiliginiń óte joǵary ekenin atap ótip, oblys tarapynan germanıalyq delegattarǵa jan-jaqty qoldaý kórsetiletindigin jetkizdi.
OQO ákiminiń baspasóz qyzmeti
