Ońtústikte biylǵy jyldyń ekinshi úshemi týyldy
Baqytty ana Gúljanat Perdebaevanyń endi 5 balasy bar. Ul men qyzdyń anasy úshem bolatynyn tórt ailyq kezinde bilgen eken. Jas ana úsh ul balany naýryzdyń 5 kúni ota jasaý tásilimen bosanǵan. Dárigerlerdiń aitýynsha, 35 aptada, aiy - kúni tolmai týylǵan sábilerdiń salmaǵy 2400 gramm, boiy - 45 sm, 2600 gramm, boiy - 46 sm, 2700 gramm – boiy 48 sm eken. Bir aptadan asa ýaqyttyń ishinde salmaq qosyp, jaǵdailary jaqsarǵan, deidi dárigerler.
Úshemniń ata-anasy Muhtar men Gúljanat Shardara aýdanynyń turǵyndary, endi olardy bala kóbeigendikten turǵyn-úi máselesi tolǵandyra bastaǵanyn aitady. Olar memlekettiń kómegine úmit artyp otyr.
Elýbaevtar áýletinde dúniege kelgen úsh atustarǵa ata – ájeleri yrymdap Erasyl, Nurasyl, Janasyl degen at qoiǵan. Olar osydan úsh jyl buryn atajurtqa Ózbekstannan kóship kelgen.
Jalpy statistikalyq málimetke súiensek, sońǵy 10 jyldyń ishinde oblysta jyl saiyn 7-13 úshem dúnie esigin ashady eken. Osy ýaqyt ishinde 81 úshem týylǵan. Al bir jylda dúniege keletin egizderdiń sany – 800-ge jýyq. On jylda týylǵan jergilikti egizder sany – 7 myńnan asady. Tek sońǵy merekelik bes kúnniń ózinde oblys aýmaǵynda 700-ge jýyq sábi dúnie esigin ashqan. Al 2017 jyly oblysta 76 353 sábi dúniege kelgen. Olardyń jartysyna jýyǵy Shymkent qalasynda ómirge kelgen. Bala týý kórsetkishi boiynsha alǵashqy qatarda Túrkistan qalasy, Saryaǵash, Maqtaaral jáne Sairam aýdandary tur.
OQO ákiminiń baspasóz qyzmeti
