Ońtústik Qazaqstan oblysynda bıylǵy jyly 1 men 10-synyp oqýshylarynyń sany 579 myńǵa jýyq oqýshyny qurap otyr. Osy balalardyń jazǵy demalystaryn tıimdi uıymdastyrý maqsatynda óńirdegi 1858 túrli baǵyttaǵy lagerler jumys jasaıtyn bolady. Al olarda  244 674 bala demalady dep josparlanýda. Bul jalpy oqýshylardyń 42 paıyzyn quraıdy. Osynyń ishinde 32 myńǵa jýyq búldirshin lagerlerge tegin jiberiledi.

Iaǵnı, qala syrtyndaǵy 22 saýyqtyrý lagerinde  28 829 bala demalsa, 15 myń bala ózge aımaqtar men shet elderdegi lagerlerge barady dep kútilýde.

Sonymen qatar, mektep janynda jumys jasaıtyn 1836 lagerge 200845 oqýshy qamtylady. Onda kelgen balalar túrli úıirmelerge qatysyp, tarıhı oryndarǵa saıahat jasaıtyn bolady. Al oblystaǵy 4 balalar úıindegi jetim jáne ata-anasynyń qamqorlyǵynsyz qalǵan 300 tárbıelenýshi jaz maýsymynda demalyspen tolyq qamtylyp otyr. Óńirde jazǵy lagerler maýsym aıynyń besinen bastap jumysyn bastaıdy. Búginde bul demalys oryndardyń barlyǵy balalardy qarsy alýǵa daıyn.

Taǵy bir aıta ketetin jaıt, 2017 jyldyń maýsym-shilde aılarynda óskeleń urpaqty óńirdiń tarıhı oryndarymen tanystyrý jáne týǵan jerdiń mádenıetin nasıhattaý maqsatynda mektep jáne tehnıkalyq kásiptik bilim berý uıymdarynyń 110 myń bilim alýshylaryna «Týǵan jerge taǵzym» sharasy júzege asyrylatyn bolady. Sondaı-aq, Astana qalasynda ótetin EKSPO kórmesin tamashalaýǵa  oblystan 4 myńǵa jýyq bala baratyn bolady.

 

OQO ákiminiń baspasóz qyzmeti