Ońtústik ustazdary latyn álipbiine qatysty pikirlerin bildirdi
Janat Tájieva, Shymkent qalalyq Bilim bóliminiń basshysy:
– Elbasynyń árbir reformasy el úshin de, óskeleń urpaq úshinde mańyzdy bolyp kelgen. Bul rettegi kóterip otyrǵan másele biz, ustazdar úshin óte úlken jaýapkershilik dep bilemin. Sebebi jańa qaripti tek pedagog mamandar ǵana emes, oqýshylar da jetik megerip alyp ketýi qajet. Sondyqtan alda jaýapaty kezeń tosyp tur. Oǵan bizdiń óńir tolyqtai daiyn dep aita alar edim.
Farida PIRÁLIEVA, Túlkibas aýdany, «Daryn» mektep-internatynyń direktory:
– Aqordada usynylǵan jańa álipbidiń jobasyn búgin mektebimizdiń qabyrǵasynda ustazdar qaýymyna tanystyrdym. Áriptesterim jańadan usynylǵan álipbidiń yńǵailyǵy men aldyńǵy úlgimen salystarǵanda jetildetilgenin aityp ótti. Onyń ishinde, qazaq tilin oqytqan ýaqytta basy artyq tańbalarǵa qatysty emle, erejelerdiń qysqaratyny qýantty. Ol mektepten bastap barlyq oqý oryndarynda oqytý úrdisin jeńildetedi. Ýaqyt ta, qarjy da únemdeledi. Úsh tilde bilim berip kele jatqan bizdiń mamandandyrylǵan daryndy balalarǵa arnalǵan mektep-internatynda búginde 200-den astam oqýshy bar. Jańa latyn qaripi bizdiń shákirtter úshin ózge tildi jetik meńgerýge jol ashady dep senemiz. Respýblikadaǵy úzdik júzdikter qatarynan kóringen bilim uiasy úshin bul jaýapty kezeńde pedagogtar men oqýshylar esh qiyndyqsyz igerip keterine kámil senemin.
Hadisha QYLYShBAEVA, Otyrar aýdany, Sh.Qaldaiaqov atyndaǵy mektep-gimnaziiasynyń direktory:
– Kúni keshe Elbasy memlekettik tildi latyn qarpine kóshirý jónindegi jobany iske asyrý úshin qurylǵan jumys tobynyń múshelerimen kezdesti. Kezdesýde Memleket basshysyna qoǵamdyq talqylaýlar barysynda kelip túsken usynystardy eskere otyryp ázirlengen qazaq tiliniń latyn qarpine negizdelgen biryńǵai standartynyń jobasy usynyldy. Usynylǵan 32 áripten turatyn jańa joba ustazdar qaýymynyń kóńilinen shyǵyp, qoldaýlar tapty. Óitkeni kúndelikti qoldanysqa yńǵaily, mektep oqýshylarynyń kózine úirenshikti etip jasalynǵan eken. Sonymen qatar, Elbasynyń jańa álipbidi bilim berý júiesine engizý úshin muǵalimder men ádistemelik bazany daiyndaý qajettigineskergeni jáne Úkimetke ony kezeń-kezeńimen engizý jónindegi jospar ázirleý jónindegi tapsyrmasy ýaqytynda aityldy dep esepteimiz. Latyn álipbiine kóshý úshin bilikti oqytýshy kadrlar men ádistemelik baza qajet. Osy negizde, Bizdiń bilikti ustazdar joǵaryda atalǵan jumysqa daiyndyǵyn jetkizip, qoldaý bildiredi.
Al, Aqordanyń tórinde ótken alqaly jiynda jańa qariptiń sońǵy úlgisin tanystyrmas buryn Elbasy bul – bizdiń qasterli Táýelsizdigimizdiń jemisi ekenin tilge tiek etti. Sondai-aq, osy rette biregei jobany iske asyrý aiasynda Prezident ákimshiligine 300-den astam úndeý men usynys kelip túskenin, áleýmettik jelilerde 1000-ǵa jýyq taqyryptyq jazba jariialanǵanyn alǵa tartty. Elbasynyń Joldaýynyń aiasynda qarqyn alǵan bul jańǵyrýǵa tolyqtai kóshý 2025 jylǵa deiin meje qoiylǵan. Esterińizge salaiyq, sońǵy latyn álipbiinde 32 qarip tańbalanǵan. Jalpy, Latyn álipbiine kóshý – qazaq tiliniń halyqaralyq dárejege shyǵýyna jol ashady. Qazaq tiline kompiýterlik jańa tehnologiialar arqyly halyqaralyq aqparat keńistigine kirigýge tiimdi qadambar bastalmaq. Eń bastysy túbi bir túrki dúniesi, negizinen, latyndy qoldanady. Bizderge olarmen rýhani, mádeni, ǵylymi, ekonomikalyq qarym-qatynasty, tyǵyz bailanysty kúsheitýimizge latyn tili altyn kópir bolmaq.
