Ońtústik stýdentteri qurylys jumystaryna tartyldy
Oblystyq qurylys basqarmasynyń basshysy Q.Jamashev tóraǵalyq etken sharada jastar saiasaty máseleleri jónindegi basqarmasy men merdiger mekeme basshylary jáne M.Áýezov atyndaǵy OQMÝ-diń 150-ge jýyq stýdenti qatysty.
Májiliste sóz alǵan qurylys basqarmasynyń basshysy Q.Jamashev qazirdiń ózinde 300 stýdenttiń tizimi jasaqtalyp, jumysqa kirisip ketkenin jetkizdi
«Stýdenttik jasaqtardyń negizgi atqaratyn jumystary jer qazý, beton quiý, kirpish qalaý, úi tóbesin jabý, sylaq jumystaryn júrgizý. Biyl jasaq sarbazdary oblysymyzdaǵy «SitiStroi», «Aq ordasy», «Otaý-stroi» sekildi onnan astam qurylys kompaniialarynda eńbek etetin bolady» , - deidi oblystyq qurylys basqarmasynyń basshysy Q.Jamashev.
Aita keteiik, 2004 jyldan bastap Shymkent qalasyndaǵy birqatar merdiger kompaniia basshylarymen kelissóz júrgizip, stýdentterdiń jazǵy demalys ýaqytyn tiimdi paidalaný maqsatynda stýdenttik qurylys jasaqtaryn eńbekpen qamtý jumystaryn dástúrli túrde júrgizip keledi. Máselen, 2013 jyly stýdent jasaqtary qatarynda 400, 2014 jyly - 458, 2015 jyly - 500 stýdent eńbekpen qamtylyp, jazǵy demalystaryn tiimdi paidalanǵan. Olardyń ortasha ailyq jalaqylary 50-70 myń kóleminde tólenip, kúnine bir mezgil ystyq tamaq berilgen.
«Jalpy búgingi tańda oblysymyzda 12 joǵary oqý orny bar. Onda bilim alyp jatqan jastardyń sany 70 myńǵa jýyqtaidy. Biylǵy stýdenttik jasaqqa tartylǵan jastardyń basym bóligin M.Áýezov atyndaǵy OQMÝ-diń qurylys mamandyǵyna oqityn stýdentteri qurap otyr. Shákirtter aldyn-ala ýniversitettiń arnaiy óndiristik aimaqtarynda is-tájiribeden ótip, qurylys negizderi boiynsha oqý kýrstarynda bilim aldy»,- dedi M.Seitjaparov.
Jiyn sońynda jasaq sarbazdary qai qurylys nysandarynda jumys isteitinderinen habardar bolyp, eńbekterin abyroimen atqarýǵa ýáde etti.
