Ońtústik sharýalary 86 myń tonna qyryqqabat eksporttady
Onda ákim 2 gektar jerge qyryqqabat ekken «Súndet ata» sharýa qojalyǵyna bardy. Qojalyqtyń tynys-tirshiligimen tanystyrǵan iesi Ádilbek Baibolatov kókoramnyń faravon sortyn eki gektar aýmaqqa ekkenin, al ótken jyly atalǵan egistikten 140 tonna ónim alǵanyn málim etti. Búginde 8 adamdy jumyspen qamtyp otyrǵan qojalyq ónimderin jergilikti naryqtan bólek, Soltústik aimaqtar men Almaty, Astana qalalaryna jóneltip otyr.
Sharýashylyqtyń jumysyn aralap kórgen aimaq basshysy búgingi kúnge óńir diqandary 112 myń tonna qyryqqabat jinaǵanyn, onyń ishinde 86 myń tonna bolatyn ónim syrtqy naryqqa shyǵarylǵanyn atap ótti.
– Qazirgi ýaqytta oblysta osy erte merzimdik kókónisterdiń ornyna basqa daqyldardy egý jumystary júrgizilýde. Kóktemgi egistikten jinalǵan ónimniń 105,7 myń tonnasy eksportqa shyǵarylǵan. Onyń ishinde 64,7 myń tonnasy Saryaǵash aýdanynyń enshisinde eken. Bul árine erte kóktemnen tynbai eńbek etip otyrǵan Sizder sekildi eńbekqor sharýalardyń jemisi dep bilemiz, – dedi J.Túimebaev.
Budan keiin oblys ákimi Jaskeshý eldi mekenindegi jylyjai sharýashylyǵymen ainalysatyn «Roza» JShS-niń jumysymen tanysty. Seriktestiktiń tóraǵasy Jaqsylyq Dúisebaevtyń aitýynsha, 1 gektar aýmaqqa tamshylatyp sýǵarý ádisi arqyly qyzanaq ekken. Ozyq tehnologiianyń arqasynda ótken jyly 60 tonna ónim jinaǵanyn aitady.
Jalpy oblysta jylyjai kólemi 1325 gektarǵa jetip, respýblikalyq úlestiń 80 paiyzyn qurap otyr. Atalǵan jylyjai kóleminiń 663 gektary, iaǵni 50 paiyzy Saryaǵash aýdanyna tiesili.
Sapary barysynda oblys ákimi Aqjar eldi mekenindegi «Agro Fýd Qazaqstan» JShS-niń jumysyn aralap kórdi. 2016 jyly jumysyn bastaǵan seriktestik 250 gektar aýmaqta intensivti baý egýmen ainalysyp keledi. Qazirgi tańda 130 adamdy jumyspen qamtyp otyrǵan jobada tamshylatyp sýǵarý ádisi qoldanylady. Búginde shie, órik, shabdaly, alma kóshetteri egilgen. Seriktestik iesi Akmal Allaiarulynyń aitýynsha, baýdan aldaǵy ýaqytta 60 tonna alma ónimin alý josparlanyp otyr.
Mundai kórsetkish Ońtústik óńirinde buryn-sońdy bolmaǵanyn aitqan óńir basshysy oblysta qarqyndy baýdyń sanyn kóbeitý arqyly óńirimizge keletin alma importyn azaityp, eksportty ulǵaitýǵa bolatynyn aitty.
– Baýdan aldaǵy ýaqytta 60 tonna alma ónimin alý josparlanyp otyr eken. Oblystaǵy ortasha kórsetkish 15 tonna ekenin eskersek, mundai ónim Ońtústik óńirinde buryn-sońdy bolmaǵan. Qazirgi tańda intensivti baýda 22 gektarǵa shie, 13 gektarǵa órik, 70 gektarǵa shabdaly, 92 gektarǵa alma kóshetteri egilgen. Bul óńirdegi iri jobalardyń biri. Sondyqtanda osy seriktestińten tájiribe almasyp, arnaiy mamandarmen jumys istep, osyndai baýlardy kóbeitýimiz kerek, – dedi OQO ákimi J.Túimebaev.
OQO ákiminiń baspasóz qyzmeti
