Jaiylymdyq jeri 4900 ga quraityn sharýashylyqta búginde 2000 bas qarakól tuqymy ósirilse, jyl sońyna deiin 20 myń basqa jetkizý kózdelip otyr. Búginde qundy bolyp esepteletin qarakóldiń terisin Italiia eline eksporttaý úshin kelisim shart jasalǵan. Ósimtal bolyp keletin bul qoidyń terisi naryqta 100 AQSh dollaryna baǵalanyp otyr.
Al, sharýashylyqta 5 birlik MTZ-80 traktory men 3 avtokóligi jáne 8 adam eńbek etýde. Qarakól qoiyn damytý úshin sharýashylyq memleketten 35 mln. teńge sýbsidiia alǵan.
Sonymen qatar, Sozaq aýdanyndaǵy «Qumkent» jáne «Qaraqur» óndiristik kooperativi de osy qarakól qoiyn ósirýmen ainalysyp keledi. Olar ótken jyly qarakól toqtysyn Birikken Arab Ámirlikterine eksportqa shyǵaryp, tiimdi baǵada satty. Sheteldikterdiń qoi alýdaǵy talaptarynan tolyqtai shyqqan kooperativ taǵy da birqatar qarakól qoiyn shetelge satýdy josparlaýda.
OQO ákiminiń baspasóz qyzmeti
