«Ońtústik ónimi» nesie alýǵa nietti kəsipkerlerdi qoldaidy
Oblysymyzdaǵy birqatar qarjy institýtarynyń ókilderi de qatysqan basqosýda «Ońtústik ónimi» baǵdarlamasynyń júzege asý barysy talqylandy. Eske salar bolsaq, Ońtústik Qazaqstan oblysynyń ákimdigi men «Damý» Kásipkerlikti damytý qorynyń arasynda shaǵyn jáne orta kásipkerlikti qoldaýǵa baǵyttalǵan ortaq memorandým túzilip, kelisim negizinde qos tarap 500 mln. tengeden jalpy sommasy 1 mlrd. tengeni Shymkenttegi 4 banktiń esebine aýdarǵan edi. Alaida 8,5 paiyzben beriletin qarjyny úlestirý isinde túitkilder týyndap otyr. Atap aitsaq, aimaqtyq úilestirý keńesiniń saraptaýynan ótken kásipkerler ǵana atalǵan nesiege qol jetkize alady. Shart boiynsha osyǵan deiin jeńildetilgen nesieni indýstrialyq aýmaqta ónim óndiretin belgili bir kásippen ainalysatyn kásiporyndar ǵana alýǵa múmkindik jasalǵan bolatyn.
Jiynda ekinshi deńgeili bank basshylary nesie berýdiń sharttaryna ózgertýler men tolyqtyrýlar engizý usynyldy. Áitpegen jaǵdaida otandyq taýar óndirýshiler nesielik qarjyǵa qol jetkize almaidy. Osy máseleni eskertken aýmaq basshysy nesie úlestirýdiń tetikterin birge talqylaýǵa keńes berdi.
«Ońtústik ónimi» baǵdarlamasy kásipkerlerdiń jeńildetilgen nesiege qol jetkizýin qamtamasyz etýi tiis.Nesie alýǵa niet bildirgen kásipkerler tizimin keńeitý kerek. Bul rette ekinshi deńgeili bankterge basymdyq berilip otyr. Sondyqtan nesie berý sharttaryn jeńildetken durys», - dedi Janseiit Qanseiituly.
Jiyn barysynda ekinshi deńgeili bankterdiń qazirgi talaptary da jan-jaqty talqylandy. Jasyratyny joq, búginde halyq óz qajettilikterin qanaǵattandyrý maqsatynda ekinshi deńgeidegi bankterdiń nesielerin jii qoldanady. Biraq, nesie alýshylar nesie alǵan kezde tek syiaqy mólsherlemesine ǵana mán beredi, al nesie alýmen bailanysty banktiń syiaqysy bar ekendigin eskermei jatady. Osy túitkilder oryn almas úshin halyq arasynda bankterdegi nesie berý sharttary keńinen nasihattalý kerektigi aityldy.
OQO ákiminiń baspasóz qyzmeti
