Ońtústik Koreia prezidenti sottalýy múmkin
Impichmentke barlyq segiz sýdia daýys berdi. Bul sheshim Pak Kyn Heni dereý bilikten alastatý kerek degendi bildiredi. Tipti sybailas jemqorlyq jasaǵany úshin qylmystyq jaýapkershilikke de tartylýy múmkin.
Ońtústik Koreiada 60 kúnniń ishinde kezekten tys prezident sailaýy ótýi tiis.
Eldiń qarjy retteýishiniń ókili prezidentti laýazymynan shettetý naryqtardyń turaqtylyǵyna yqpal etpeitinin málimdedi.
«Biz bul jaǵdaiǵa aldyn ala daiyndaldyq», - dedi ol.
Jeltoqsanda parlament prezidentke impichment jariialaýǵa daýys bergennen keiin Pak Kyn He qyzmetinen alastatylǵan bolatyn. Biraq ol resmi túrde prezident bolyp qaldy.
Ońtústikkoreialyq tergeýshiler Pak Kyn He óziniń jaqyn qurbysy ári keńesshisi Chhve Sýn Silmen birigip Samsung kompaniiasynyń vitse-prezidenti Li Chje Ionnen para alǵanyn málimdedi.
Derekkózi: baq.kz
