Qarjylandyrý lızıń formasynda tómendetilgen paıyzben (8 paıyzben) 84 aıǵa, al jeńildetilgen tólem merzimi 24 aıǵa deıin beriledi. Sonymen qosa, kooperatıvterge lızıń usyný boıynsha birqatar jeńildikter qarastyrylǵan. Atap aıtatyn bolsaq, kooperatıvterge arnaıy jeńildetilgen, ıaǵnı koperatıvterden kepildeme jáne avanstyq tólem talap etilmeıtin qarjylandyrý mehanızmi jasaldy. Koperatıvter ınvest-sýbsıdıa alý arqyly bıznesti jarty qunyna qurý múmkindigine ıe bolady. Osy jeńildiktiń bárin «OŃTÚSTİK» AIO men «Yrys» mıkro qarjy uıymy oblystaǵy kásibin dóńgeletkisi kelgen árbir kásipkerge usynyp otyr.
Aldyńǵy aıda oblys áikimi J.Túımebaev kooperatıv tóraǵalaryna 10 modýldi sút qabyldaý beketiniń kiltterin saltanatty túrde tabys etken bolatyn. Sonyń ishinde 7 modýldi sút qabyldaý beketi «OŃTÚSTİK» AIO jáne «Yrys» MQU tarapynan qarjylandyrylǵan bolatyn. Aıta ketý kerek, sút qabyldaý beketterin qurastyrýshy Shymkent mehanıkalyq zaýytyna da osy qarjy uıymy qoldaý kórsetken.
Sonymen qatar, «OŃTÚSTİK» Aımaqtyq ınvestısıalyq ortalyqtyń yqpalymen osy jyly óńirde 11 kooperatıv quryldy. Al jyl basynan beri 567 mln teńgege túrli baǵyttaǵy 28 kooperatıv qarjylandyryldy. Máselen, somasy 63 mln teńge bolatyn qus sharýashylyǵyndaǵy eki joba, et pen sútti qaıta óńdeý boıynsha 133 mln teńgege on joba, aýyl sharýashylyq tehnıkasyn alý úshin 180 mln teńgege bes joba, 181 mln teńgege mal sharýashylyǵyndaǵy on joba jáne 10 mln teńgege ósimdik sharýashylyǵyndaǵy bir joba qarjylandyrylǵan.
OQO ákiminiń baspasóz qyzmeti
