Onyń aıtýynsha, qarjy ortalyǵynda kásipkerler úshin birqatar jeńildikter qarastyrylǵan. Iaǵnı, kepildikke aýyldyq jerdegi múlik alynady, bastapqy startap jobalar qarastyrylady. Tıimdi óteý kestesi jasalynady. Eń mańyzdysy nesıeni rásimdeý barysynda eshqandaı komısıalar alynbaıdy.
– «OŃTÚSTİK» Aımaqtyq ınvestısıalyq ortalyǵy 8 jyldyq qyzmeti aıasynda óziniń ekonomıkalyq mańyzy jaǵynan joǵary kórsetkishterimen erekshelenip keledi. Atap kórsetsek, 2009 – 2017 jyldar aralyǵynda oblysymyzdyń 16 431 turǵyny jeńildetilgen nesıe jáne lızıńke qol jetkizip, kásipkerlikpen aınalysýda, sondaı-aq, ózimen qosa birneshe azamattardy da jumyspen qamtyǵan. Qarjylandyrylǵan jobalar nátıjesinde jumyspen qamtylǵandar sany 41 181 adamǵa jetip otyr. Jalpy qarjylandyrylǵan 16 myńnan astam jobany júzege asyrýǵa 49 774,4 mln. teńge baǵyttaldy. Nesıelendirilgen jobalar aıasynda oblystyq búdjetke jalpy somasy 893,4 mln. teńge kóleminde salyq tólendi, – dedi Basqarma tóraǵasy.
OQO ákiminiń baspasóz qyzmeti
