Májilis depýtaty, «AMANAT» partiiasy fraktsiiasynyń múshesi Marhabat Jaiymbetov Premer-Ministr Oljas Bektenovke depýtattyq saýal joldap, elektrondyq saýdanyń ekologiiaǵa keri áserine nazar aýdardy, dep habarlaidy Dala News.
Onyń aitýynsha, onlain saýdanyń qarqyndy damýy turmystyq qaldyqtardyń kúrt artýyna alyp kelgen.
«Búginde taýardy jetkizý barysynda plastik, plenka jáne karton sekildi qaptamalar keńinen qoldanylady. Olardyń basym bóligi bir ret paidalanylyp, turmystyq qaldyqqa ainalady. Sonyń nátijesinde poligondarǵa túsetin júkteme artyp otyr», – dedi depýtat.
Sondai-aq ol jetkizý qyzmetiniń kóbeiýi qorshaǵan ortaǵa qosymsha ziian keltirip otyrǵanyn atap ótti.
«Jetkizý protsesi kólik tasymaldarynyń artýyna alyp keledi. Álemdik zertteýler boiynsha júk tasymaly kómirqyshqyl gazy shyǵaryndylarynyń shamamen 24 paiyzyn quraidy», – dedi Jaiymbetov.
Depýtat Qazaqstandaǵy qaldyqtardy óńdeý deńgeii áli de tómen ekenin aitty.
«Elimizde jyl saiyn 5 million tonnadan astam kommýnaldyq qaldyq túziledi. Al olardy qaita óńdeý deńgeii nebári 28 paiyz shamasynda», – dedi ol.
Osyǵan bailanysty Jaiymbetov bir rettik qaptamany azaitý, qaita óńdeý júiesin engizý jáne ekologiialyq jaýapkershilikti kúsheitý boiynsha naqty sharalar qabyldaýdy usyndy.
