"Baitaq jasyldar" partiiasynyń tóraǵasy, saiasatker Azamathan Ámirtaev Ashyq Podcast YouTube jobasynda eldiń aqshasyna aýyz salǵandar ońbaitynyn aitty, - dep habarlaidy Dalanews.kz.
Onyń sózinshe, bilikte áli de qaltalylardyń dáýreni júrip tur.
"Respýblika" degen partiia oligarhtardyń qurǵan partiiasy ǵoi. Attaryna deiin aityp bere alamyn. Lavrentev, Dinmuhamed Ydyrysov, Qairat - aqshasy kóp bailar birigip, osy partiiany quryp aldy. Olar tipti saiasattyń ne ekenin túsinbeidi. Biz 2015-ten bastap partiia qurýmen kele jatyrmyz. Biraq bizde ondai qarajat joq. Ondai qarajaty barlarǵa partiia qurýdyń qajeti ne? Kásipkerdiń birinshi maqsaty - paida tabý, partiianyń jumysy - halyqqa qyzmet etý.
...Bai adam halyqty oilaidy deisiz be? Oilasa, memleketten urlaǵan aqshalaryn qaitaryp bersin. Biz olar qalai baiyǵanyn, kimnen urlaǵanyn bilemiz.
Halyqqy qyzmet etkisi kelse, qaitaryp bersin. Joq, olar partiia ashyp, Parlamentke barýy kerek, bilikti ustaýy kerek, memlekettegi qazynaǵa qoldaryn salyp, baiýy kerek.
Memlekettiń bailyǵyn urlaǵan, aqparatyn syrtqa taratqan, shpiondyq jumyspen ainalysqan, halyqtyń jaǵdaiyn aiaq asty qylǵan adamdardyń eshqaisy ońbaidy", - deidi ol.
Sonymen qatar, saiasatker ROP-tyń bylyǵyn ashyq aiyptady.
"ROP mekemesi ýtilalymdy durys jinamaǵany jaiynda eń birinshi bolyp qarsy shyqqan - biz. 2019 jyly Toqaev Prezident bolǵan kezde qabyldaýynda bolyp, ROP týraly barlyq aqparatty berdim. Prezident sol kezde qatty ashýlandy, birden tapsyrmalar berdi. Tolyq aqparat berdim. Qansha aqshany ózderine qaldyrady, qalai qaldyrady - barlyq tsifrdy ákeldim.
Nursultan Nazarbaevtyń kishi qyzy Áliia Nazarbaevanyń basqaryp otyrǵan mekemesiniń jaǵdaiyn, urlyǵynyń bárin kórip, Prezidentke ashyq túrde jetkizdim.
Prezident 2022 jyly ROP-ty japty ǵoi, joq qyldy. Ýtilalymnyń baǵasyn tómendetti, áli de tómendetedi", - deidi ol.
