7 aqpan kúni Milan-Kortina Olimpiadasy bastalady. Alǵashqy jarys kúninde alty otandasymyz eki sport túrinen óner kórsetedi, dep habarlaidy Dalanews.kz.
Shańǵyshylar Nadejda Stepashkina, Daria Riajko, Anna Melnik jáne Kseniia Shalygina Olimpiadalyq trassaǵa birinshi bolyp shyǵady.
Olar 10 km klassikalyq stilde jáne 10 km erkin stilde 20 shaqyrymdyq skiatlonda baq synaidy. Jarys Qazaqstan ýaqyty boiynsha saǵat 17:00-de bastalady.
Nadejda Morozova men Elizaveta Golýbeva 3000 metrlik konkimen júgirý jarysynda Qazaqstan namysyn qorǵaidy. Jarys Qazaqstan ýaqyty boiynsha saǵat 20:00-de bastalady.
Eske salaiyq,Italiianyń Milan jáne Kortina-d’Ampetstso qalalarynda XXV qysqy Olimpiada oiyndary resmi túrde bastaldy. Ashylý saltanatynyń negizgi bóligi Milandaǵy áigili "San-Siro" fýtbol stadionynda ótti. Jarysqa álemniń 93 elinen shamamen 3 myńǵa jýyq sportshy qatysady. Medaldar sporttyń 8 túri boiynsha 16 distsiplinada sarapqa salynyp, jalpy 116 júlde jiyntyǵy oinatylady.
Qazaqstan quramasy 10 distsiplina boiynsha baq synaityn 36 sportshydan turady (18 er, 18 áiel). Ulttyq quramanyń qatysýymen ótetin barlyq jarystar Qazaqstan, Qazsport, "Habar" jáne Jibek Joly telearnalarynan tikelei efirde kórsetiledi.
