Olimpiada men Paralimpiada júldegerlerine memlekettik tólemder jiberildi, - dep habarlaidy Dalanews.kz.
Qazaqstan Respýblikasy Úkimeti 2024 jyly Parijde ótken XXXIII jazǵy Olimpiada jáne XVII jazǵy Paralimpiada jeńimpazdary men júldegerlerine aqshalai syiaqy berý týraly qaýly qabyldady.
Qaýlyǵa sáikes Úkimet rezervinen sportshylar men olardyń jattyqtyrýshylaryna tólemder jiberildi.
Barlyǵy 49 sportshy men 63 jattyqtyrýshy aqshalai syiaqy aldy.
Qoldanystaǵy zańnamaǵa sáikes mynadai mólsherde aqshalai syiaqylar qarastyrylǵan:
- 1-oryn — 250 000 AQSh dollary;
- 2-oryn — 150 000 AQSh dollary;
- 3-oryn — 75 000 AQSh dollary;
- 4-oryn — 30 000 AQSh dollary;
- 5-oryn — 10 000 AQSh dollary;
- 6-oryn — 5 000 AQSh dollary.
Aqshalai syiaqy júldegerlerdiń birinshi, jeke jáne bas jattyqtyrýshylaryna da berilgen.
Sonymen qatar, Olimpiada men Paralimpiada jeńimpazdary jáne júldegerlerine jergilikti atqarýshy organdar tarapynan qoldaý kórsetiletini aityldy. Ákimdikter sportshylarǵa jergilikti kommýnaldyq turǵyn úi qorynan tegin páter usynady.
Aita keteiik, 23 sáýirde sportshy Nazym Qyzaibai basylymdardyń birine bergen suhbatynda Olimpiadadaǵy júldesi úshin áli de páter kilti men syiaqy almaǵanyn aitty. Bul jait qyzý rezonans týdyrdy.
