Qazaq eliniń ánuranyn Italıada asqaqtatqan Olımpıada chempıony Mıhaıl Shaıdorovqa taǵy bir kompanıa Astanadan 3 bólmeli páter syılamaq, dep habarlaıdy Dalanews.kz
«Ulytau Group kompanıasynyń atynan Sizge shynaıy alǵysymyzdy bildire otyryp, Astana qalasyndaǵy Esil ózeniniń jaǵalaýynda ornalasqan New City Life turǵyn úı kesheninen úsh bólmeli páterdi syıǵa tartatynymyzdy qýana habarlaımyz»,- delingen kompanıanyń resmı habarlamasynda.
⠀
Alaıda, kompanıa Olımpıada chempıonymen habarlasa almaı eken. Áleýmettik jeli arqyly chempıonmen baılanysýdyń amalyn izdep, kópshilikten suraǵan.
«Biz Mıhaıl Shaıdorov myrzamen jeke baılanysyp, ony quttyqtap, Ulytau Group atynan 3 bólmeli páter tabystaǵymyz keledi. Alaıda, ókinishke qaraı, ázirge oǵan habarlasa almaı otyrmyz.
Eger sizder onyń baılanys nómirin bilseńizder nemese osy habarlamany oǵan jetkize alsańyzdar — ótinish, bizge kómektesińizder! Biz bul qýanyshty jańalyqty chempıonymyzben bóliskimiz keledi»,- delingen habarlamada.
