Sońǵy kezderi elimizde ústel tennisi qarqyndy damyp keledi. Sońǵy Olimpiada oiyndaryna eki sportshymyz qatysty. Kelesi jylǵy tórtjyldyq dodadan da úmit zor. Kirill Gerasimenko, Alan Qurmanǵaliev, Anastasiia Lavrova, Záýresh Aqasheva syndy daryndy tennisshilerimiz bar.
Osy oraida Olimpbet býkmekerlik kompaniiasynyń qoldaýy sporttyń bul túrin odan ári jańa beleske jeteleýi tiis.
Qazaqstan ústel tennisi federatsiiasynyń vitse-prezidenti Elsiiar Qanaǵatovtyń aitýynsha, Olimpbet qoldaýy ulttyq quramamyzdyń Parij Olimpiadasyna tyńǵylyqty daiyndalýyna ǵana emes, aimaqtardaǵy sportshylarǵa da kómek bolyp, jańa esimderdiń jarqyrap shyǵýyna sebepker bolýy tiis.
- Búginde Qazaqstan ulttyq quramasy 20-28 mamyr kúnderi Ońtústik Afrika Respýblikasynda ótetin Álem chempionatyna daiyndalýda. Búgingi jańalyq jahandyq dodanyń qarsańynda tennisshilerimizge stimýl beredi degen oidamyn. Odan bólek, kelesi jyly ótetin Olimpiada oiyndaryna da daiyndyqty kúsheitýge múmkindik týdy.
Degenmen, bul seriktestik bas komandaǵa qoldaý ǵana emes, jalpy elimizde ústel tennisiniń keshendi túrde damýyna jol asharyna senimdimin, - dedi Elsiiar Qanaǵatov.
Óz kezeginde Olimpbet býkmekerlik ortalyǵynyń maqsattary týraly aityp ótken Kompaniianyń syrtqy bailanys jónindegi direktory Andrei Jarkov el sportyna bei-jai qaramaityndyqtaryn jetkizdi.
- Qazaqstandyq býkmeker retinde biz el sportyndaǵy ahýaldy qadaǵalap otyrýǵa jáne ár jańalyqty qalt jibermeýge tyrysamyz. Sonyń ishinde ústel tennisiniń halyqtyq qoldaýǵa ie ekenin de bilemiz. Jas pen káriniń barlyǵyna ortaq sanalatyn sporttyń bul túri Memleket basshysynyń da súiikti oiyny ekenin resmi saparlarynan baiqaimyz.
Sondyqtan, Qazaqstanda ústel tennisiniń qaryshtap damýy bizdi de qýantady. Osy oraida, bizdiń seriktestik elimizde jańa tennisshilerdiń jarqyrap shyǵýyna jol ashady degen senimdemiz, - dedi Andrei Jarkov.
Aita keteiik, elimizdegi eń iri býkmeker sanalatyn Olimpbet otandyq sporttyń damýyna barynsha úles qosyp keledi.
Kóptegen kásipqoi komandalarǵa qoldaý kórsetip, Federatsiialarmen tyǵyz bailanys ornatqan atalmysh býkmekerlik kompaniia kásipqoi sporttan bastap, ulttyq oiyndar men buqaralyq jarystardyń uiymdastyrylýyna da jaǵdai jasaýda.
