«Úkimet ekonomikalyq patriotizm qaǵidatyn qatań ustanatyn bolady. Biz qashanda otandyq óndirýshini qoldaimyz. Bul – árbir ákimniń, árbir salalyq ministrdiń mindeti. Ol tek sóz júzinde ǵana emes, naqty is júzinde oryndalýǵa tiis. Importty almastyrý jumystaryn, onyń ishinde ofteik-kelisimsharttar arqyly jandandyra túsý qajet. Bul otandyq kompaniialarǵa ózderin aldaǵy birneshe jyldar boiyna tapsyrystarmen qamtamasyz etýge, jańa óndiristerdi keńeitýge jáne igerýge múmkindik beredi», — dep atap ótti Oljas Bektenov.
Ekonomikasy qarqyndy damyǵan kóptegen elder ishki naryqty qoldaý jáne qorǵaý saiasatyn belsendi júrgizetinin atap ótken jón. Halyqaralyq valiýta qory mundai qorǵaý sharalarynyń jartysyna jýyǵy Qytai, Eýropalyq Odaq jáne AQSh ekonomikalaryna tiesili.
