2024 jylǵy 29 naýryzda Qazaqstan Respýblikasynyń Premer-Ministri
O. Bektenovtiń tóraǵalyǵymen Aktivterdi qaitarý máseleleri jónindegi komissiianyń kezekti otyrysy boldy.
Komissiia otyrysy jańartylǵan quramda ótti. Komissiianyń jańartylǵan quramyna «Qazaqstannyń Azamattyq Aliansy» ZTB prezidenti Baný Ǵaniqyzy Nurǵazieva men Parlament Májilisiniń depýtaty Marat Sovetuly Báshimov kirdi.
Otyrys qorytyndysyna sáikes Komissiia kelesidei sheshimder qabyldady.
Jalpy kólemi 85 mlrd teńgeden asatyn zańsyz iemdenilgen aktivterdi qaitarý týraly birqatar kelisimder maquldandy.
Memleketke qaitarý josparlanyp otyrǵan aktivterdiń qatarynda Qazaqstandaǵy jáne sheteldegi turǵyn úiler, ákimshilik ǵimarattar, aqshalai qarajat, kompaniialardaǵy úlester, qymbat zergerlik buiymdar, 10 myń gektardan astam jer bar.
Sonymen qatar buryn memleketten «Zańsyz iemdenilgen aktivterdi memleketke qaitarý týraly» Zań (budan ári - Zań) sýbektileriniń biriniń baqylaýyna zańsyz ótken quny 10 mlrd teńgeden astam somaǵa baǵalanatyn paida bolýy túsiniksiz kásiporyndy aktiv retinde memleket kirisine ainaldyrý týraly sotqa talap-aryz engizý maquldandy.
Komissiia sheshimimen Zań sýbektileriniń tizilimi eki jańa tulǵamen tolyqtyryldy, olarǵa qatysty Bas prokýratýranyń Aktivterdi qaitarý jónindegi komiteti tiisti is-sharalar qabyldaidy.
«Memleket basshysynyń tapsyrmasy boiynsha zańsyz iemdenilgen aktivterdi qaitarý jónindegi jumystar kúsheitiledi. Bul rette bizneske qysym jasaýǵa jol berilmeidi. Memleketke qaitarylǵan barlyq aktivter áleýmettik paidaly maqsattarǵa baǵyttalatyn bolady», — dep atap ótti Oljas Bektenov.
Komissiianyń jumysy jalǵasýda.
