Qazaqstan Bas prokýratýrasynyń arnaiy prokýrorlar qyzmetiniń burynǵy basshysy Olesia Keksel eki aiǵa úiqamaqqa alyndy, dep habarlaidy Dalanews.kz.
Bul týraly Qazaqstannyń bas prokýrorynyń orynbasary Ǵalymjan Qoigeldiev habarlady.
Sheshim tergeý izoliatoryndaǵy azaptaý faktisi boiynsha júrgizilip jatqan sotqa deiingi tergeýge bailanysty qabyldanǵan.
Olesia Keksel Ulttyq biýronyń (qazirgi Sybailas jemqorlyqqa qarsy qyzmet) burynǵy basshysy Talǵat Tatýbaevpen birge, Ekonomikalyq jáne sybailas jemqorlyq qylmystaryna qarsy kúres agenttigin (ABEKQ, burynǵy qarjy politsiiasy) basqarǵan Qairat Qojamjarovtyń eń senimdi serikteriniń biri sanalady.
Aita keteiik, Antikordyń eks basshysy (Ulttyq biýro) Talǵat Tatýbaevtyń ustalýymen Nigmatýllin-Qojamjarov klany tolyqtai kúiretilip, óz ómirin toqtatty. "Jańa Qazaqstan" senator Qairat Qojamjarovtyń alqymyna bir taban jaqyndai tústi.
DALA INSIDE derekkóziniń sózinshe "Parlamenttegi ókilettiligi bitkennen keiin Qairat Perneshulynyń ómiri qiyndai túsedi". Tatýbaevtyń túrli tapsyrmalaryn eki etpei, rezonansti isterdiń shoqpar tergeýshisi bolǵan Olesia Keksel de jaqyn arada ustalýy tiis. Ol da azaptaýǵa qatysty qylmystyq is orbitasynda júrgen.
