Obama Eýropaǵa saparlap shyqty
Prezident Obama Varshavada Eýrokeńes tóraǵasy Donald Týskpen, Eýrokomissiia basshysy Jan-Klod Iýnkermen juma kúni tańerteń kezdesip, Ulybritaniianyń Eýropalyq odaqtan shyǵýy (Brexit) jáne Reseimen qarym-qatynas máselerin talqylaidy. Rodstyń aitýynsha, osy kezdesýlerden keiin Obama NATO-nyń bas hatshysy Iens Stoltenbergpen júzdesip, sammitke daiyndyq barysyn pysyqtaidy. Odan soń AQSh prezidenti NATO sammitin ótkizýshi el – Polsha prezidenti Andjei Dýdamen kezdesedi.
Ben Rodstyń habarlaýynsha, NATO Keńesiniń alǵashqy sessiiasy jalpy máselelerdi, atap aitqanda Chernogoriianyń aliansqa qabyldanýy, qorǵanys shyǵyndary, kiberqaýipsizdik suraqtaryn talqylaýǵa arnalady. Juma kúni keshkilik aspen bir ýaqytta ótetin ekinshi otyrysta NATO jetekshileri Reseige kóńil bóledi.
NATO qurylǵaly bergi ýaqytta joǵary deńgeide 27 kezdesý uiymdastyryldy. Polshadaǵy sammitke 58 resmi delegatsiia - NATO-nyń barlyq 28 odaqtasy, alians quramyna qabyldanǵaly otyrǵan Chernogoriia, 26 áriptes el, sondai-aq BUU, EO, Dúniejúzilik bank jáne NATO parlamenttik qaýymdastyǵy qatysady.
