1961 jyly 29 sáýirde Qyzylorda oblysy Shieli aýdany Kerdeli aýyldyq keńsharynda týǵan. Nurtóre Baitilesuly (1984) jyly S.M. Kirov atyndaǵy Qazaq memlekettik ýniversitetiniń jýrnalistika fakýltetin bitirgen.
Eńbek jolynyń alǵashqy baspaldaǵy Pavlodar oblystyq qazirgi Sary arqa samaly burynǵy Qyzyl tý gazetiniń agroóndiristik bóliminiń tilshi bolyp bastaǵan. Osy gazette Kólik jáne kommýnikatsiia bóliminiń meńgerýshisi, Bas redaktordyń orynbasary qyzmetin atqardy. (1990-1996) jyldar aralyǵynda Respýblikalyq Egemen Qazaqstan gazetiniń Ekonomika bóliminiń meńgerýshisi, Bas redaktordyń ekonomikalyq máseleler jónindegi orynbasary boldy.
(1996) jyldyń mamyr aiynan bastap (2002) jyldyń sáýir aiyna deiin respýblikalyq Jas Alash gazetiniń bas redaktory qyzmetin atqardy. Nurtóre Júsip basshylyq etken osy kezeń ishinde gazet Altyn juldyz – 2000 syilyǵyna ie boldy. Nurtóre Júsip «Aq jol Qazaqstan», «Astana habary» gazetteriniń bas redaktory, «Egemen Qazaqstan» respýblikalyq gazetiniń bas direktory boldy.
(2008) jyldan beri respýblikalyq Aiqyn gazetiniń direktory-bas redaktor.
Nurtóre Júsip Qazaqstannyń eńbek sińirgen qairatkeri, Qazaqstan halqy assambleiasy keńesiniń, Jazýshylar odaǵynyń, Jýrnalister odaǵynyń múshesi, Prezident syilyǵynyń jáne Qazaqstan jýrnalister odaǵynyń, B. Bulqyshev, S. Sadýaqasov atyndaǵy syilyqtardyń iegeri.
QR Jýrnalister akademiiasynyń jáne Gýmanitarlyq akademiianyń múshesi. Qazaqstannyń qurmetti jýrnalisi, Qazaq jýrnalistikasynyń qairatkeri ataqtary bar. (Halyqaralyq PEN-klýbtyń vitse-prezidenti), (Qazaqstan MEDIA-ALIaNS uiymy) tóraǵasynyń birinshi orynbasary. Qazaqstan Prezidenti janyndaǵy Rýhani jańǵyrý jónindegi Ulttyq komissiianyń jáne Memlekettik rámizder jónindegi memlekettik komissiianyń, Qazaqstan Úkimeti janyndaǵy Onamastika jónindegi respýblikalyq komissiianyń, "Nur Otan"partiiasy Almaty qalalyq filialy Qoǵamdyq keńesiniń múshesi. Qurmet ordenimen (2009); «Qazaqstan Respýblikasynyń táýelsizdigine 10 jyl» (2001), «Qazaqstan Konstitýtsiiasyna 10 jyl» (2000) medaldarymen, «Til janashyry» tósbelgisimen marapattalǵan.
(2014) jyly «Halyqtyń súiiktisi» atty respýblikalyq konkýrstyń «Eń ótkir pýblitsist» nominatsiiasynyń jeńimpazy. Qyzylorda oblysy, Shieli aýdanynyń Qurmetti azamaty.
«Biz kimnen kembiz?» (2001), «Qazaqtyń qyzy» (2004), «Eles pen beles» (2006), «Táýelsizdik lebi: el men jer», «Myń qumyrsqa jáne biz» atty pýblitsistikalyq jinaqtyń avtory.
Derekkóz: Aiqyn
