Qazaqstannyń tuńǵysh prezidenti, Elbasy Nursultan Nazarbaevtyń týǵan kúni 6 shildede
Nursultan Nazarbaevtyń eńbek joly
Nursultan Ábishuly Nazarbaev 1940 jyly 6 shildede Qazaq SSR-nyń Alma-Ata oblysy Qaskeleń aýdany Shamalǵan aýylynda (qazir Qazaqstan Respýblikasynyń Almaty oblysy Qarasai aýdany Úshqońyr aýyly) dúniege keldi.
1967 jyly Nazarbaev Qaraǵandy metallýrgiialyq kombinaty janyndaǵy JTOO-ny bitirdi.
1960-1969 jyldary Qaraǵandy metallýrgiialyq kombinatynda jumys istedi. 1969-1979 jyldary Qaraǵandy oblysy Temirtaý qalasyndaǵy partiialyq, komsmoldyq qyzmette boldy jáne Qaraǵandy oblystyq partiia komitetinde eńbek etti.
1979-1984 jyldary Qazaqstan Kommýnistik partiiasynyń Ortalyq Komiteti hatshysy boldy.
1984-1989 jyldary Qazaq SSR Ministrler Keńesiniń tóraǵasy qyzmetin atqardy.
1989-1991 jyldary – Qazaqstan Kommýnistik partiiasy Ortalyq Komitetiniń birinshi hatshysy. 1990 jyldyń aqpan-sáýir ailarynda Qazaq SSR Joǵary Keńesiniń tóraǵasy qyzmetin qatar atqardy.
1991 jyly 1 jeltoqsanda Qazaqstanda alǵashqy jalpyhalyqtyq prezidenttik sailaý ótip, Nazarbaev sailaýshylardyń 98,7% qoldaýyna ie boldy.
1995 jyly 29 sáýirde jalpyhalyqtyq referendým nátijesinde prezidenttik ókilettigi 2000 jylǵa deiin sozyldy.
1999 jyldyń 10 qańtaryndaǵy sailaý barysynda Nazarbaev sailaýshylardyń 80% daýysyn ielenip, Qazaqstan Respýblikasy prezidenti bolyp sailandy.
2005 jyldyń 4 jeltoqsanynda Nursultan Nazarbaev sailaýshylardyń 91,15% daýysymen Qazaqstan prezidenti bolyp sailandy.
2011 jyldyń 3 sáýirinde kezekten tys sailaý kezinde Nursultan Nazarbaev sailaýshylardyń 95,55% daýysyna ie bolyp, tórtinshi ret Qazaqstan prezidenti bolyp sailandy.
2015 jyldyń 26 sáýirinde sońǵy kezekten tys prezidenttik sailaýda Nazarbaev sailaýshylardyń 97,75% daýysymen taǵy da jeńiske jetti.
2019 jyldyń 19 naýryzynda Nursultan Nazarbaev halyqqa úndeý joldap, merziminen buryn prezidenttik ókilettigin toqtatatynyn málimdedi. Sailaýǵa deiin prezident mindetin atqarý senat tóraǵasy Qasym-Jomart Toqaevqa júktelip, ol 20 naýryzda Qazaqstan halqyna ant berdi.
Qurmetti ataqtary
Qazaqstan Respýblikasynyń tuńǵysh prezidenti, "Elbasy" mártebesiniń iegeri, "Nur Otan" partiiasynyń tóraǵasy, QR Qaýipsizdik keńesiniń tóraǵasy, Qazaqstan halqy assambleiasynyń tóraǵasy, Qazaqtardyń dúniejúzilik qaýymdastyǵynyń tóraǵasy, Nazarbaev Ýniversiteti Joǵarǵy qamqorshylyq keńesiniń tóraǵasy.
Ekonomika ǵylymdarynyń doktory, Qazaqstan Respýblikasy Ulttyq ǵylym akademiiasynyń akademigi. Qurmetti professor jáne birqatar sheteldik jáne otandyq ýniversitettiń qurmetti doktory.
Kóptegen kitap pen ǵylymi maqala avtory. Kóptegen keńestik, qazaqstandyq jáne sheteldik orden-medaldermen marapattalǵan.
Nursultan Nazarbaevtyń otbasy
Jary — Sara Alpysqyzy Nazarbaeva, 1992 jyldyń aqpanynan beri "Bóbek" halyqaralyq balalar qaiyrymdylyq qorynyń negizin salýshysy jáne prezidenti. 1994 jyldyń shildesinen beri "SOS – Qazaqstannyń balalar aýyldary" qorynyń prezidenti qyzmetin atqarady.
Nursultan Nazarbaev - úsh qyzdyń ákesi.
Úlken qyzy — Dariǵa Nazarbaeva (1963 jyly týǵan). Saiasi ǵylymdar doktory. Qazaqstan parlamenti senatynyń tóraiymy.
Ortanshy qyzy – Dinara Qulybaeva (1967 jyly týǵan). 2004 jyldan beri qazaq-britan tehnikalyq ýniversitetiniń direktorlar keńesi tóraiymy. Forbes Qazaqstannyń eń bai adamdary qataryna kiredi.
Kenje qyzy – Áliia Nazarbaeva (1980 jyly týǵan). Ol Qazaqstan ekologiialyq uiymdarynyń assotsiatsiiasyn basqarady.
