Nurlan ımam AQSH-qa baryp, jastardyń nekesin qıdy, - dep habarlaıdy Dalanews.kz.
Vıdeony áleýmettik jelide Nurlan ımamnyń ózi jarıalady. Al Aıajan Saımova esimdi jeli qoldanýshysynyń sózinshe, ımam Fıladelfıa qalasynda ýaǵyz oqyǵan. Bul sharaǵa qyrǵyz, ózbek aǵaıyndar da jınalǵan.
"Búgin Astana qalasyndaǵy Yryskeldi qajy atyndaǵy meshitiniń Bas Imamy Nurlan Baıjigituly qajy Pensılvanıa shtatyndaǵy Fıladelfıa qalasyndaǵy Al-Býharı meshitinde qyrǵyz, ózbek, qazaq jamaǵatyna ýaǵyz aıtty. Ýaǵyzdan son Nurlan qajy bas ımam bolyp jamaǵatpen namaz oqydy. Bul kezdesý barysynda - jaqsy adamdardyn qasıetteri, túzý jol jáne Allah týraly áńgime júrgizip qoımaı, jańa qosylǵan jastarymyzdyn aq nekesyn qıdyq! Nurlan myrzaǵa jáne Juldyzaı hanymǵa AQSH qazaqtarynyń dinı ahýalyna qosqan úlesi úshin alǵys bildiremiz!!! Amerıka Qurama Shtattary jáne Fıladelfıa qazaqtary ózińizdi árdaıym kútedi", - dep jazdy ol.
Buǵan deıin Nurlan ımam Amerıka prezıdenti Jo Baıdennen shaqyrtý alǵany týraly aqparat taraǵan edi. Osylaısha ımam qazir qurama shtattarda júr.
